சினிமா செய்திகள்
இவருடைய பெண் தான் எல்லா படத்திலும் கடத்தப்படுகிறார்களா? நெல்சனை கேள்வி கேட்கும் நெட்டிசன்கள்
நேற்று வெளியான விஜய்யின் ’பீஸ்ட்’ படத்தில் அமைச்சர் ஒருவர் தன்னுடைய மனைவி மற்றும் மகள் தீவிரவாதிகளால் ஹைஜாக் செய்யப்பட்டிருக்கும் மாலில் சிக்கி இருப்பதாக கூறுகிறார்.
இந்த காட்சியை கவனித்த நெட்டிசன்கள் ’டாக்டர்’ படத்திலும் இதே நபர் தான் தன்னுடைய மகள் தான் கடத்தப்பட்டதாக கூறுவார், பீஸ்ட் படத்திலும் அவருடைய மகள் தான் கடத்தப்படுகிறார் என்றால் எல்லா படத்திலும் இவருடைய மகள் மட்டும்தான் கடத்தப்படுகிறார்களா? என நெட்டிசன்கள் கேலியும் கிண்டலும் கேள்வி எழுப்புகின்றனர் .
ஏற்கனவே கோலமாவு கோகிலா, டாக்டர் ஆகிய 2 படத்தில் நடித்த யோகி பாபு, ரெடின்கிங்ஸ்லி உள்பட ஒருசிலர் இந்த படத்திலும் நடித்திருப்பதாக கூறப்படும் நிலையில் நெல்சன் படத்தில் ஹீரோ, ஹீரோயின் மட்டும் தான் மாறுவார்கள், மற்ற நடிகர்கள் எல்லாம் அப்படியே இருக்கும் போல என நெட்டிசன்கள் கேலி செய்து வருகின்றனர் .
மேலும் பீஸ்ட் படத்தின் பல காட்சிகள் ஏற்கனவே வெளிவந்த மணிஹெய்ஸ்ட் உள்பட ஒருசில படங்களின் காப்பி என்றும் சிலர் குற்றம் சாட்டி வருகின்றனர். ஆனால் முழு படத்தையும் பார்த்தால்தான் இது வேறு ஏதாவது படத்தின் காப்பியா? அல்லது நெல்சன் சொந்த கதையா? என்பது தெரியவரும்.
