சினிமா செய்திகள்
விஜய் முதல்வர், பிரசாந்த் கிஷோர் அரசியல் ஆலோசகர்: ரசிகர்களின் அட்ராசிட்டி போஸ்டர்!
![vijay prasanth kishore - Bhoomitoday](https://www.bhoomitoday.com/wp-content/uploads/2022/03/vijay-prasanth-kishore.jpg)
2026ம் ஆண்டு விஜய் தான் முதல்வர் வேட்பாளர் என்றும், விஜய் மக்கள் இயக்கத்தின் ஆலோசகர் பிரசாந்த் கிஷோர்என்றும் மதுரை விஜய் ரசிகர்கள் ஒட்டியுள்ள போஸ்டரால் மாநிலம் முழுவதும் பரபரப்பு ஏற்பட்டுள்ளது.
விஜய் மக்கள் இயக்கம் ஏற்கனவே உள்ளாட்சி தேர்தலில் போட்டியிட்டு ஓரளவு நல்ல வெற்றியைப் பெற்றுள்ளது என்பது தெரிந்ததே. இதனை அடுத்து வரும் 2026 ஆம் ஆண்டு நடைபெறும் சட்டமன்ற தேர்தலில் விஜய் நேரடியாக தேர்தல் களத்தில் இறங்குவார் என்று எதிர்பார்க்கப்படுகிறது.
இந்த நிலையில் போஸ்டருக்கு பெயர்போன மதுரை விஜய் ரசிகர்கள் 2026ஆம் ஆண்டு தளபதி விஜய் தான் முதல்வர் வேட்பாளர் என்றும் அவருக்கு ஆலோசகராக பிரசாந்த் கிஷோர் இருப்பார் என்றும் போஸ்டர் ஒட்டியுள்ளனர். இந்த போஸ்டர் பெரும் பரபரப்பை ஏற்படுத்தி உள்ளது.
2026 ஆம் ஆண்டு விஜய் அரசியலில் நேரடியாக குதிப்பாரா? முதல்வர் வேட்பாளராக போட்டியிடுவாரா? அவருக்கு பிரசாந்த் கிஷோர் ஆலோசனை வழங்குவாரா? என்பதை பொறுத்திருந்து பார்ப்போம்.