சினிமா செய்திகள்
சிவகார்த்திகேயன் நடித்த ‘டான்’ திரைப்படம்: ரிலீஸ் தேதி இதுதான்!
சிவகார்த்திகேயன் நடித்த ‘டான்’ திரைப்படம் கடந்த டிசம்பர் மாதமே ரிலீசுக்கு தயாரான நிலையில் கொரோனா வைரஸ் பாதிப்பு காரணமாக இந்த படத்தின் ரிலீஸ் தேதி தள்ளிப் போய்க் கொண்டிருந்தது. இந்த நிலையில் பிப்ரவரி 14ஆம் தேதி காதலர் தினத்தில் இந்த படம் ரிலீஸ் ஆகும் என ஒரு சில செய்திகள் வெளியான நிலையில் தற்போது இந்த படம் மார்ச் 25-ஆம் தேதி திரையரங்குகளில் உலகம் முழுவதும் ரிலீசாகும் என அறிவிக்கப்பட்டு உள்ளது.
இதனை அடுத்து இந்த படத்தின் புரமோஷன் பணிகள் மிக வேகமாக தொடங்க உள்ளதாகவும் கூறப்படுகிறது. ஏற்கனவே சிவகார்த்திகேயன் நடித்த ’டாக்டர்’ திரைப்படம் மிகப் பெரிய வெற்றி பெற்ற நிலையில் இந்த படத்திற்கு பெரும் எதிர்பார்ப்பு ஏற்பட்டு உள்ளது என்பதும் ’டாக்டர்’ திரைப்படம் போலவே இந்த படமும் 100 கோடி ரூபாய் வசூல் ஆகும் என்று ரசிகர்கள் எதிர்பார்ப்பில் காத்திருக்கின்றனர் என்பதும் குறிப்பிடத்தக்கது.
‘டான்’ திரைப்படத்தின் ரிலீஸ் தேதி அறிவிக்கப்பட்டு உள்ளதை அடுத்து சிவகார்த்திகேயன் ரசிகர்கள் தங்களது மகிழ்ச்சியை சமூக வலைத்தளங்களில் தெரிவித்து வருகின்றனர். இந்த நிலையில் சிவகார்த்திகேயன் நடித்து முடித்துள்ள ’அயலான்’ திரைப் படத்தின் போஸ்ட் புரொடக்ஷன் பணிகள் மிக விறுவிறுப்பாக நடைபெற்று வருகிறது என்பதும் அதே போல் அவர் தமிழ் தெலுங்குத் திரைப்படம் ஒன்றில் நடித்து வருகிறார் என்பதும் இந்த இரண்டு படங்களும் இந்த ஆண்டுக்குள் ரிலீஸாகும் என்றும் எதிர்பார்க்கப்படுகிறது.
சிவகார்த்திகேயன் ஜோடியாக பிரியங்கா நடித்துள்ள இந்த படத்தில் , ஷிவாங்கி, சமுத்திரக்கனி, எஸ்ஜே சூர்யா, பாலசரவணன், சூரி உள்பட பலர் நடித்துள்ள இந்த படத்திற்கு அனிருத் இசை அமைத்துள்ளார். இந்த படத்தை லைகா மற்றும் சிவகார்த்திகேயன் புரோடக்சன் நிறுவனங்கள் இணைந்து தயாரித்து உள்ளன என்பதும், இந்த படத்தை சிபி சக்கரவர்த்தி இயக்கியுள்ளார் என்பதும் குறிப்பிடத்தக்கது.
See you in theatres ???????? #DONfromMarch25 #DON pic.twitter.com/qhjrtJkRe3
— Sivakarthikeyan (@Siva_Kartikeyan) January 31, 2022
