சினிமா செய்திகள்
விவாகரத்துக்கு பின் தனுஷின் திட்டம் என்ன? பரபரப்பு தகவல்!
18 ஆண்டு காலம் ஒற்றுமையாக வாழ்ந்த மனைவி ஐஸ்வர்யாவை தனுஷ் பிரிந்த பின்னர் அவரது அடுத்த கட்ட திட்டம் என்ன என்பது குறித்த தகவல் தற்போது கசிந்துள்ளது.
சூப்பர் ஸ்டார் ரஜினியின் மூத்த மகள் ஐஸ்வர்யாவை காதலித்து திருமணம் செய்துகொண்ட தனுசுக்கு இரண்டு மகன்கள் உள்ளார்கள் என்பதும் இருவருமே விவரம் தெரிந்த பெரிய பிள்ளைகளாக உள்ளனர் என்பதும் குறிப்பிடத்தக்கது.
இந்த நிலையில் திடீரென ஐஸ்வர்யாவை தனுஷ் பிரிய பல்வேறு காரணங்கள் கூறப்படுகின்றன. தனுஷ் நடிப்பில் ஐஸ்வர்யா இயக்கிய ’3’ படத்தில் இருந்து இருவருக்கும் இடையே கருத்து வேறுபாடு ஏற்பட்டதாக கூறப்படுகிறது. ’3’ திரைப்படத்தின் நாயகியுடன் தனுஷ் நெருக்கம் காட்டியதாகவும் அதனால் தனுஷ் மற்றும் ஐஸ்வர்யா பிரியப்போவதாகவும் கடந்த பத்தாண்டுகளுக்கு முன்பே செய்திகள் வெளியானது.
ஆனால் இருவரும் பெரியவர்களின் அறிவுரையை ஏற்று ஒற்றுமையாக வாழ்ந்து வந்ததாக கூறப்பட்டது. இந்த நிலையில் தனுசுக்கு பல நடிகைகளுடன் நெருக்கம் இருப்பதாகவும் கிசுகிசுக்கப்பட்டது. ஒரு சில நடிகைகளின் திருமண விவாகரத்துக்கு தனுஷ் தான் காரணம் என்றும் கூறப்பட்டது.
இந்த நிலையில் தனுஷ் தற்போது தன்னுடன் நடித்த நடிகை ஒருவருடன் நெருக்கமாக இருப்பதாகவும் அந்த நெருக்கம் தெரிந்ததால்தான் ஐஸ்வர்யா தனுஷை பிரிய முடிவு செய்து விட்டதாகவும் கூறப்படுகிறது.
இந்த நிலையில் ஐஸ்வர்யாவை விவாகரத்து செய்த தனுஷ் நெருக்கமாக இருக்கும் அந்த நடிகையை திருமணம் செய்வார் என்று கூறப்பட்டு வருகிறது. ஏற்கனவே தனுஷின் சகோதரர் இயக்குனர் செல்வராகவன் தன்னுடைய மனைவி சோனியா அகர்வாலை விவாகரத்து செய்துவிட்டு கீதாஞ்சலி என்பவரை திருமணம் செய்து கொண்டார். அதேபோல் தனுஷ் தற்போது ஐஸ்வர்யாவை விவாகரத்து செய்துவிட்டதால், அந்த நடிகையை திருமணம் செய்து கொள்வார் என்று கூறப்பட்டு வருகிறது.
ஆனால் இதெல்லாம் ரசிகர்களின் யூகமே தவிர என்ன நடக்கப்போகிறது என்பதை பொறுத்திருந்துதான் பார்க்க வேண்டும்.
