சினிமா செய்திகள்
கார்த்தி நடித்து வரும் தேவ் திரைப்படத்தின் இசை வெளியீட்டு விழா தேதி அறிவிப்பு!
கார்த்தி, ராகுல் பிரீத் சிங் நடிப்பில் ரஜத் இயக்கி வரும் ஆக்ஷன், ரொமான்ஸ் திரைப்படம் தேவ். இந்தப் படத்திற்கு ஹாரிஷ் ஜெயராஜ் இசை அமைத்து வருகிறார்.
இன்று இந்தப் படத்தின் இசை வெளியீட்டுத் தேதி குறித்த முக்கிய அறிவிப்பை டிவிட்டர் மூலம் நடிகர் கர்த்தி அறிவித்துள்ளார். கார்த்தியின் டிவிட்டர் பதிவில் தேவ் படத்தின் இசை இன்னும் 2 தினங்களில் வெளியிடப்படும் என்று குறிப்பிட்டுள்ளார். அதன் படி தேவ் படத்தின் இசை டிசம்பர் 29-ம் தேதி வெளியாக உள்ளது.
கடைக்குட்டி சிங்கம் திரைப்படத்தில் விவசாயியாக நடித்திருந்த கார்த்திக்கு மீண்டும் நகரம், மாடர்ன் என வித்தியாசமான ஒரு கதைக்களம் கொண்ட படமாகத் தேவ் இருக்கும் என்று தகவல்கள் கூறுகின்றன.
தேவ் படத்தில் காதல், ரொமான்ஸ் மட்டும் இல்லாமல் வாழ்க்கையில் சாதிக்கத் துடிக்கும் இளைஞன் கதாப்பாத்திரமாகவும் தேவ் இருக்கும். ராமலிங்கம் என்ற கதாப்பாத்திரத்தில் கார்த்தி நடிக்கிறார். கிரிக்கெட் வீரர் கபில் தேவ் ரசிகராகவும் வருகிறார்.
Two more days for the audio launch of #Dev pic.twitter.com/p4KazT4rtA
— Actor Karthi (@Karthi_Offl) December 26, 2018
கார்த்தியின் அப்பாவாகப் பிரகாஷ் ராஜூன், ரகுல் ப்ரீத் சிங்கின் அம்மாவாக ரம்யா கிருஷ்ணனும் நடிக்கின்றனர். இவர்களைத் தவிர ஸ்மைல் சேட்டை ஆர் ஜே விக்னேஷ், அம்ருதா, வம்சி,நவரச நாயகன் கார்த்திக், நிக்கி கல்ராணி மற்றும் பலர் நடிக்கின்றனர்.
இந்தப் படத்தின் கதையினை ஹாரிஷ் ஜெயராஜிடம் கூறிய உடன் அவர் தன்னைக் கட்டி அனைத்துக்கண்டதாகவும் இயக்குநர் ஏற்கனவே தெரிவித்திருந்தார் என்பதும் குறிப்பிடத்தக்கது.
