சினிமா செய்திகள்
’வலிமை’ ரிலீஸ் தள்ளிப்போகிறதா? முதல்வரின் முடிவால் ரசிகர்கள் அதிருப்தி!
தமிழக முதல்வர் எடுத்த அதிரடி முடிவு காரணமாக ’வலிமை’ திரைப்படத்தின் ரிலீஸ் தேதி தள்ளிப் போக உள்ளதாக செய்திகள் கசிந்து கொண்டு இருப்பது பெரும் பரபரப்பை ஏற்படுத்தி உள்ளது.
தமிழகத்தில் கொரோனா வைரஸ் பாதிப்பு நாளுக்கு நாள் அதிகரித்துக் கொண்டே வருகிறது என்பதும் நேற்று ஆயிரத்து 700 க்கும் அதிகமானோர் தமிழகத்தில் கொரோனாவால் பாதிக்கப்பட்டனர் என்பது குறிப்பிடத்தக்கது. இதனை அடுத்து தமிழகத்தில் கூடுதல் கட்டுப்பாடுகளை விதிப்பது நேற்று தமிழக முதல்வர் ஆலோசனை செய்தார் என்பதும் இந்த ஆலோசனையின் போது அவருக்கு சில பரிந்துரைகள் மருத்துவ நிபுணர்கள் செய்ததாகவும் தகவல்கள் வெளியாகியுள்ளன.
குறிப்பாக திரையரங்குகள், வழிபாட்டுத்தலங்கள், பார்கள் ஆகியவற்றை பொங்கலுக்குப் பின் மூடுவது குறித்து பரிசீலனை செய்யலாம் என அறிவுரை வழங்கி இருப்பதாகவும் அதனை முதல்வர் ஏற்றுக் கொண்டதாகவும் இதுகுறித்த அதிகாரப்பூர்வ அறிவிப்பு இன்னும் சில மணிநேரங்களில் வெளியாகும் என்றும் கூறப்படுவதால் ’வலிமை’ படத்தின் ரிலீஸ் தேதியும் தள்ளி வைக்கப்படும் அறிவிப்பு வெளிவரும் என்று எதிர்பார்க்கப்படுகிறது.
தற்போது 50 சதவீதம் மட்டுமே திரையரங்குகளில் பார்வையாளர்கள் அனுமதிக்கப்படும் நிலையில் ஒருவேளை இதே நிலை பத்தாம் தேதிக்கு பிறகும் நீடித்தால் வலிமை திரைப்படம் ரிலீஸ் ஆகும் என்றும் ஆனால் திரையரங்குகளுக்கு திரையரங்குகள் மூடப்பட்டால் கண்டிப்பாக ’வலிமை’ திரைப்படம் ரிலீஸ் செய்து இன்னும் சில மாதங்களுக்கு தள்ளி போகும் என்றும் வலிமை படத்தின் குழுவினரில் ஒருவர் தெரிவித்துள்ளார்.