தமிழ்நாடு
அமெரிக்காவில் முக்கிய பிரமுகருடன் ரஜினி சந்திப்பு.. பரபர அரசியல் திட்டம்!
சென்னை: நடிகர் ரஜினிகாந்த் அமெரிக்கா சென்றதற்கு பின் சில அரசியல் காரணங்களும் இருப்பதாக தகவல்கள் வருகிறது.
நடிகர் ரஜினிகாந்த் ஜனவரி மாதம் முக்கிய அரசியல் அறிவிப்புகளை வெளியிட வாய்ப்பு இருப்பதாக தகவல்கள் வருகிறது. அதேமாதம் அவர் தன்னுடைய தொலைக்காட்சியை திறக்க இருப்பதாகவும் கூறுகிறார்கள்.
நடிகர் ரஜினிகாந்த் நேற்று மாலை சென்னை விமான நிலையத்தில் இருந்து அமெரிக்கா சென்றார். அவர் புத்தாண்டு முடியும் வரை நியூயார்க்கில் இருப்பார் என்று கூறப்படுகிறது. ஜனவரி மாத தொடக்கத்தில் அவர் மீண்டும் தமிழகம் வர உள்ளார்.
அதேபோல் தேசிய கட்சி ஒன்றின், முக்கிய மாநில நிர்வாகி ஒருவர் அமெரிக்கா செல்ல உள்ளார். நடிகர் ரஜினிகாந்திற்கு நெருக்கமான அரசியல்வாதியான அவரும் நியூயார்க்கில்தான் இருக்க போகிறார். நாளை அமெரிக்கா செல்லும் அந்த முக்கிய பிரமுகர் ஜனவரி 6ம் தேதி வரை அமெரிக்காவில் இருப்பார் என்று கூறப்படுகிறது.