சினிமா செய்திகள்
உதயநிதிக்காக இறங்கி வந்த வடிவேலு: புதிய படத்தில் நடிக்க ஒப்பந்தம்!
வைகைப்புயல் வடிவேலு மீண்டும் தமிழ் சினிமாவில் ரீ எண்ட்ரி ஆகியுள்ள நிலையில் கதாநாயகனாக மட்டுமே நடிப்பேன் என்று கூறிவந்த நிலையில் உதயநிதிக்காக காமெடி கேரக்டரில் நடிக்க ஒப்புக் கொண்டிருப்பதாக தகவல்கள் வெளியாகி உள்ளன.
வைகை புயல் வடிவேலு கடந்த 10 ஆண்டுகளாக திரையுலகில் அதிக படங்களில் நடிக்கவில்லை என்பது ஓரிரு படங்களில் மட்டுமே அவர் நடித்தார் என்பது குறிப்பிடத்தக்கது.
இந்த நிலையில் மீண்டும் திமுக ஆட்சியை தோன்றியுள்ளதை அடுத்து தற்போது மீண்டும் திரையுலகில் ரீஎன்ட்ரி ஆகி வருகிறார் வடிவேலு. ஏற்கனவே ஓரிரு படங்களில் கதாநாயகனாக நடித்து வரும் வடிவேலு, இனி நடித்தால் கதாநாயகன் வேடம் மட்டுமே என்றும் காமெடி கேரக்டரில் நடிப்பதில்லை என்றும் கூறிவந்தார்.
இந்த நிலையில் உதயநிதி நடிப்பில் மாரி செல்வராஜ் இயக்கத்தில் உருவாகவுள்ள திரைப்படத்தில் காமெடி நடிகராக நடிகர் வடிவேலு ஒப்புக் கொண்டு இருப்பதாகவும் இந்த படத்தில் நடிக்க ஒப்பந்தம் செய்யப்பட்டு உள்ளதாகவும் தகவல்கள் வெளியாகியுள்ளன.
உதயநிதிக்காக தனது கதாநாயகன் என்ற கொள்கையை தள்ளிவைத்துவிட்டு காமெடி கேரக்டரில் வடிவேலு நடிக்கும் உள்ள நிலையில் இந்த படம் அவருக்கு பழைய பெயரை மீண்டும் பெற்று கொடுக்குமா என்பதை பொறுத்திருந்து தான் பார்க்க வேண்டும்.