வீடியோ
மாநாடு படத்தில் சிம்பு பாடிய #VoiceOfUnity பாடல் வெளியீடு!
சிம்பு நடிப்பில் நவம்பர் 25-ம் தேதி வெளியாக உள்ள படம் மாநாடு. இந்த படத்தின் #VoiceOfUnity என்ற பாடல் வியாழக்கிழமை இரவு 8:30 மணிக்கு வெளியானது.
#VoiceOfUnity பாடலில் சமத்துவம், ஒற்றுமை குறித்த கருத்துக்கள் கூறப்பட்டுள்ளது. எஞ்சாயி எஞ்சாமி பாடலை எழுதி பாடிய அறிவு இந்த பாடல் வரிகளை எழுதியுள்ளார். சிம்பு பாடியுள்ளார். யுவன் ஷங்கர் ராஜா இசை அமைத்துள்ளார்.
மாநாடு படத்தில் சிம்புவின் நாயகியாகக் கல்யாணி பிரியதர்ஷன் நடித்துள்ளார். எஸ்.ஜே சூர்யா, எஸ்.ஏ.சி, ஒய்.ஜி.மகேந்திரன், பிரேம்ஜி, கருணாகரன் உள்ளிட்ட பலர் நடித்துள்ளனர்.
இந்த படத்தின் இசை வெளியீட்டு விழா நேற்று நடைபெற்ற நிலையில், அதில் பேசிய சிம்பு, ‘தனக்கு நிறையப் பேர் பிரச்சனை தருவதாகவும், அதை தான் பார்த்துக்கொள்வதாகவும், என்னை நீங்க பார்த்துக்கொள்ளுங்கள் என கண்ணீர் விட்டு அழுதார். பின்னர் அங்கு இருந்த படக்குழுவினர் அவரை சமாதானப்படுத்தினர்.