கிரிக்கெட்
சிஎஸ்கே வெற்றி விழா கொண்டாட்டத்தில் முதல்வர் ஸ்டாலின்: தேதி அறிவிப்பு!
![csk final - Bhoomitoday](https://www.bhoomitoday.com/wp-content/uploads/2021/11/csk-final.jpg)
சமீபத்தில் முடிந்த ஐபிஎல் போட்டியில் சிஎஸ்கே அணி வெற்றி பெற்று சாம்பியன் பட்டத்தை பெற்ற நிலையில் இந்த வெற்றியை கொண்டாடும் தேதி முடிவு செய்யப்பட்டு உள்ளதாக தகவல் வெளிவந்துள்ளது.
ஐபிஎல் தொடரில் சிஎஸ்கே அணி மிக அபாரமாக வெற்றி பெற்று கோப்பையை கைப்பற்றியது என்பதும் இதனையடுத்து அந்த அணிக்கு வாழ்த்துக்கள் குவிந்து வந்தது என்பதும் தெரிந்ததே.
இந்த நிலையில் சிஎஸ்கே அணியின் வெற்றி கொண்டாட்டம் சென்னையில் நடைபெறும் என்று அறிவிக்கப்பட்டு இருந்த நிலையில் இடையில் உலக கோப்பை டி20 கிரிக்கெட் போட்டி நடைபெற்றது என்பதும், இந்திய அணியின் வழிகாட்டியாக தோனி நியமனம் செய்யப்பட்டார் என்பதால் வெற்றி கொண்டாட்ட தேதி ஒத்தி வைக்கப்பட்டது.
இந்த நிலையில் தற்போது உலக கோப்பை டி20 போட்டி முடிவடைந்து வீரர்கள் அனைவரும் இந்தியாவுக்கு திரும்பியுள்ள நிலையில் தற்போது சிஎஸ்கே வெற்றி கொண்டாட்ட தேதி அறிவிக்கப்பட்டுள்ளது. நவம்பர் 20ஆம் தேதி சென்னையில் உள்ள கலைவாணர் அரங்கில் இந்த வெற்றி கொண்டாட்டம் நடைபெறும் என்றும் இதில் தமிழக முதல்வர் முக ஸ்டாலின் அவர்கள் கலந்து கொள்வார் என்றும் அறிவிக்கப்பட்டுள்ளது.
இன்று சிஎஸ்கே அணியின் உரிமையாளர் சீனிவாசன் அவர்கள் தமிழக முதல்வர் முக ஸ்டாலின் அவர்களை சந்தித்து சிஎஸ்கே அணியின் வெற்றி விழா கொண்டாட்டம் குறித்து அழைப்பிதழை வழங்கி அவருக்கு அழைப்பு விடுத்தார் என்பதும் முதல்வரும் இந்த நிகழ்ச்சியில் கலந்து கொள்வதாக உறுதி அளித்துள்ளார் என்பதும் குறிப்பிடத்தக்கது.