சினிமா செய்திகள்
12ம் தேதிக்காக காத்திருக்கும் ரஜினி ரசிகர்கள்.. பின்னணியில் நடக்கும் ஏற்பாடுகள்!
![rajii - Bhoomitoday](https://www.bhoomitoday.com/wp-content/uploads/2018/12/rajii.bmp)
சென்னை: நடிகர் ரஜினிகாந்த் அடுத்த வாரம் வர இருக்கும் அவரது பிறந்த நாளின் போது அரசியல் கட்சி குறித்த அறிவிப்பை வெளியிடுவாரா என்று எதிர்பார்ப்பு எழுந்துள்ளது.
நடிகர் ரஜினிகாந்தின் ரசிகர்களுக்கு 2018 கொஞ்சம் சிறப்பான வருடம்தான். அவர்களுக்கு இந்த வருடமே ரஜினியின் அரசியல் வருகை குறித்த அறிவிப்புடன்தான் தொடங்கியது.
அதேபோல் ரஜினியும் தொடர்ச்சியாக சினிமாக்களை வெளியிட்டு ரசிகர்களின் ஹார்ட் பீட்களை உச்சத்தில் வைத்து இருந்தார். ஆனால் ரஜினி ரசிகர்கள் எதிர்பார்த்த வேறு ஒரு விஷயம் மட்டும் நடக்கவே இல்லை.
அரசியல் வருகையை அறிவித்த பின் ரஜினி வேறு எந்த விதமான முக்கிய அரசியல் நடவடிக்கையும் எடுக்கவில்லை. கட்சியின் பெயர் என்ன, கட்சியின் கொடி என்ன , கொள்கை என்ன என்று எந்த ஒரு விஷயத்தையும் ரஜினி சொல்லவில்லை. இது அவரது ரசிகர்களுக்கு பெரிய அதிர்ச்சியை அளித்தது.