சினிமா செய்திகள்
தீபாவளிக்கு ரிலீஸ் ஆகும் சசிகுமாரின் ‘எம்ஜிஆர் மகன்’!
சசிகுமார் நடித்த ’எம்ஜிஆர் மகன்’ என்ற திரைப்படம் கடந்த ஏப்ரல் மாதமே ரிலீசுக்கு தயாராகிய நிலையில் தற்போது தான் அதிகாரபூர்வ ரிலீஸ் தேதி அறிவிக்கப்பட்டுள்ளது என்பது குறிப்பிடதக்கது.
சசிகுமார், சத்யராஜ் உள்பட பலர் நடிப்பில் பொன்ராம் இயக்கத்தில் உருவான திரைப்படம் ’எம்ஜிஆர் மகன்’. இந்த படத்தின் படப்பிடிப்பு மற்றும் போஸ்ட் புரொடக்ஷன் பணிகள் முடிவடைந்து ஏப்ரல் மாதம் ரிலீஸ் செய்ய உள்ளதாக அறிவிக்கப்பட்டு இருந்தது. ஆனால் திடீரென கொரோனா வைரஸ் பாதிப்பு காரணமாக ஊரடங்கு உத்தரவு அமல்படுத்தப்பட்டதால் ரிலீஸ் தேதி ஒத்தி வைக்கப்பட்டது என்பது குறிப்பிடத்தக்கது.
இந்த நிலையில் ’எம்ஜிஆர் மகன்’ திரைப்படம் விரைவில் ரிலீஸ் ஆகும் என்று செய்திகள் வெளியான நிலையில் தற்போது இந்த படம் ஹாட்ஸ்டார் ஓடிடியில் ரிலீசாக இருப்பதாக அறிவிக்கப்பட்டுள்ளது. வரும் தீபாவளியன்று அதாவது நவம்பர் 4-ஆம் தேதி ஓடிடியில் ரிலீஸ் ஆகும் என ஹாட்ஸ்டார் ட்விட்டர் பக்கத்தில் அதிகாரப்பூர்வமாக அறிவிக்கப்பட்டுள்ளது என்பது குறிப்பிடத்தக்கது.
ஏற்கனவே நவம்பர் 2ஆம் தேதி அமேசானில் சூர்யாவின் ஜெய்பீம் ரிலீஸாக உள்ள நிலையில் மற்றொரு முன்னணி நடிகரின் திரைப்படமும் ஓடிடியில் தீபாவளிக்கு வெளியாக உள்ளது என்பது குறிப்பிடத்தக்கது. மேலும் இந்த தீபாவளிக்கு திரை அரங்குகளில் ரஜினியின் அண்ணாத்த மற்றும் விஷாலின் எனிமி ஆகிய படங்கள் வெளியாக உள்ளது என்பது குறிப்பிடத்தக்கது. மேலும் தீபாவளிக்கு வெளியாக உள்ளதாக அறிவிக்கப்பட்டி இருந்த மாநாடு திரைப்படம் நவம்பர் 27ஆம் தேதிக்கு ஒத்தி வைக்கப்பட்டுள்ளது என்பது தெரிந்ததே.
ஸ்கிரீன்சீன் மீடியா என்டர்டெய்ன்மென்ட் நிறுவனம் தயாரித்துள்ள இந்த படத்தில் சசிகுமார் ஜோடியாக மிருணாளினி நடித்துள்ளார். மேலும் இந்த படத்தில் சத்யராஜ், சரண்யா பொன்வண்ணன், சமுத்திரகனி உள்ளிட்ட பலர் நடித்துள்ளனர் என்பதும் பாடகர் அந்தோணிதாசன் இந்த படத்திற்கு இசையமைத்துள்ளார் என்பதும் குறிப்பிடத்தக்கது. வினோத் ரத்னசாமி ஒளிப்பதிவில் விவேக் ஹர்ஷன் படத்தொகுப்பில் இந்த படம் உருவாகியுள்ளது.
உறவுன்னு பாத்தா அப்பன் மவன்டா
உரசிப் பாக்க ஜில்லாவுலயே எவன்டா!#MGRMaganOnHotstar streaming from 4th Nov only on #DisneyPlusHotstarMultiplex pic.twitter.com/tzqB5Nc3fF— Disney+ Hotstar (@DisneyPlusHS) October 20, 2021