ஓய்வை அறிவித்தார் சிஎஸ்கே பிரபலம்!

டெஸ்ட் கிரிக்கெட்டில் இருந்து ஓய்வு பெறுவதாக இங்கிலாந்து அணியின் ஆல்ரவுண்டர் மற்றும் சிஎஸ்கே அணியின் பிரபலம் மொயின் அலி சற்றுமுன் அறிவித்துள்ளார். இதனால் ரசிகர்கள் கடும் அதிர்ச்சி அடைந்துள்ளனர்.

இங்கிலாந்து அணியின் ஆல்ரவுண்டரான மொயின் அலி டெஸ்ட் போட்டியில் இருந்து ஓய்வு பெறுவதாக அறிவித்துள்ளார். 34 வயதான மொயின் அலி, இதுவரை 64 டெஸ்ட் போட்டிகளில் விளையாடி உள்ளார் என்பதும் 2914 ரன்களை எடுத்துள்ளார் என்பது குறிப்பிடத்தக்கது. அதிகபட்சமாக அவர் எடுத்த ரன்களின் எண்ணிக்கை 155 என்பதும் மேலும் இவர் ஐந்து சதங்களை விளாசியுள்ளார் என்பதும் குறிப்பிடத்தக்கது.

மேலும் டெஸ்ட் போட்டிகளில் 195 விக்கெட்டுகளை வீழ்த்தி உள்ளார் என்பது குறிப்பிடத்தக்கது. டெஸ்ட் போட்டிகளில் இருந்து ஓய்வு பெற்றாலும் ஒருநாள் மற்றும் டி20 தொடரில் தொடர்ந்து விளையாட உள்ளதாக அவர் அறிவித்துள்ளார்.

இங்கிலாந்து அணிக்கு மட்டுமின்றி சென்னை சூப்பர் கிங்ஸ் அணிக்கும் நம்பிக்கை நட்சத்திரமாக இருந்து வரும் மொயின் அலி டெஸ்ட் கிரிக்கெட்டில் இருந்து ஓய்வு பெற்று இருப்பதாக அறிவித்து உள்ளதை அடுத்து அவரது ரசிகர்கள் கடும் அதிர்ச்சி அடைந்துள்ளனர்.