சினிமா செய்திகள்
என் தங்கமே: பிறந்த நாளில் நயனுக்கு நன்றி கூறிய விக்னேஷ் சிவன்!
லேடி சூப்பர்ஸ்டார் நயன்தாரா தனது காதலரின் பிறந்த நாளை கொண்டாடியது குறித்து புகைப்படங்கள் இணையதளங்களில் வைரலாகி வருகிறது.
‘போடா போடி’ என்ற படத்தின் மூலம் இயக்குனராக அறிமுகமாகி, அதன் பின் ’நானும் ரவுடிதான்’ என்ற படத்தின் மூலம் பிரபலமானவர் இயக்குனர் விக்னேஷ் சிவன். இந்த படத்தின் படப்பிடிப்பின்போது தான் நாயகி நயன்தாராவுக்கும் விக்னேஷ் சிவனுக்கும் காதல் மலர்ந்தது என்பதும் கடந்த ஐந்து ஆண்டுகளாக இந்த ஜோடி காதலித்து வருகிறது என்பது குறிப்பிடத்தக்கது.
இந்த நிலையில் கடந்த சில வாரங்களுக்கு முன்னர் விஜய் டிவியில் பேட்டியளித்த நயன்தாரா, தனக்கும் விக்னேஷ் சிவனுக்கும் இடையே திருமண நிச்சயதார்த்தம் முடிந்துவிட்டது என்றும் விரைவில் திருமணம் நடக்கும் என்றும் தெரிவித்திருந்தார்.
இந்த நிலையில் இயக்குனர் விக்னேஷ் சிவன் இன்று தனது பிறந்தநாளை கொண்டாடி வருகிறார் அவருக்கு திரையுலகினர் வாழ்த்து கூறி வருகின்றனர். இந்த நிலையில் நயன்தாரா ஸ்பெஷல் பரிசு ஒன்றை தனது காதலருக்கு கொடுத்து பிறந்தநாள் வாழ்த்துக்களை தெரிவித்து உள்ளார். அதற்கு விக்னேஷ் சிவன், ‘நன்றி தங்கமே! என்று கூறி ’என்னுடன் நீ இருப்பதற்கும், இந்த பிறந்தநாளில் நீ கலந்து கொண்டதற்கும் நன்றி’ என்று தெரிவித்துள்ளார். மேலும் பிறந்தநாள் புகைப்படங்களை அவர் தனது இன்ஸ்டாகிராம் பக்கத்தில் பதிவு செய்துள்ள நிலையில் அந்த புகைப்படங்கள் தற்போது இணையதளங்களில் வைரலாகி வருகிறது என்பது குறிப்பிடத்தக்கது.
விக்னேஷ் சிவன் தற்போது விஜய்சேதுபதி நயன்தாரா மற்றும் சமந்தா நடிப்பில் உருவாகி வரும் ’காத்து வாக்குல ரெண்டு காதல்’ என்ற திரைப்படத்தை இயக்கி வருகிறார் என்பதும் இந்த படத்தின் இரண்டாவது சிங்கிள் பாடல் விரைவில் வெளியாக உள்ளது என்பதும் குறிப்பிடத்தக்கது.
