ஆட்டோமொபைல்
புதிய வாகனப் பதிவில் BH(Bharat series)என துவங்கும் பதிவெண் அறிமுகம்!
![Vehicle Registration - Bhoomitoday](https://www.bhoomitoday.com/wp-content/uploads/2021/08/Vehicle-Registration.jpg)
புதிய வாகனப் பதிவில் BH(Bharat series)என துவங்கும் பதிவெண்ணை ஒன்றிய அரசு அறிமுகம் செய்துள்ளது.
அடிக்கடி பணி நிமித்தமாக பிற மாநிலங்களுக்கு டிரான்ஃபர் ஆகும் நபர்கள் தங்களது வாகனங்கள் பதிவை மாற்றாமல் ஒரே வாகன எண்ணைப் பயன்படுத்தும் வகையில் BH(Bharat series)என துவங்கும் வாகன பதிவெண்ணை ஒன்றிய அரசு அறிமுகம் செய்துள்ளது.
Government introduces a new registration mark for new vehicles “Bharat series (BH-series)” to facilitate seamless transfer of vehicles.@MIB_India @PIBHindi @BOC_MIB @DDNewslive pic.twitter.com/tDMdwNJOEX
— All India Radio News (@airnewsalerts) August 28, 2021
இந்த புதிய வாகன பதிவெண்ணைப் பெறும் வாகனங்கள் வெளிமாநிலங்களுக்கு இடம்பெயரும் போது பதிவெண்ணை மாற்ற வேண்டும் என்ற அவசியம் இல்லை. நாடு முழுவதும் எல்லா மாநிலங்களிலும் இந்த புதிய பதிவெண் செல்லும்.
பாதுகாப்புத் துறை ஊழியர்கள், மத்திய மாநில அரசு ஊழியர்கள், 4 அல்லது அதற்கும் அதிகமான மாநிலங்களில் கிளைகள் உள்ள தனியார் அலுவலக ஊழியர்கள் தங்களுக்குத் தேவைப்பட்டால் புதிய பதிவெண்ணைப் பெற்றுக்கொள்ளலாம் என மத்திய சாலை போக்குவரத்து அமைச்சகம் தெரிவித்துள்ளது.
புதிய பதிவெண்கள் YY BH 4144 XX YY என்ற வடிவில் இருக்கும். அதாவது வாகனம் பதிவு செய்த ஆண்டு, BH(Bharat series), பாரத் சீரிஸ் கோடு 4 இலக்கில்- 0000 to 9999 தொடர்ந்து இரண்டு இலக்கு ஆங்கில எழுத்துக்கள் AA to ZZ வரையில் என்ற வரிசையில் இடம்பெறும்.
2, 4, 6, 8 ஆண்டுகளுக்கு பாரத் சீரிஸ் பதிவெண் வரியைச் செலுத்தி இந்த எண்ணைப் பெற முடியும். இந்த பதிவெண் உள்ள வாகனங்கள் 14 ஆண்டுகளுக்கு ஆண்டுக்கு ஒரு முறை வரி செலுத்த வேண்டும் என்பது குறிப்பிடத்தக்கது.