சினிமா
தி லயன் கிங் டீஸர் டிரைலர் ரிலீஸ்!
வால்ட் டிஸ்னியின் பிரம்மாண்ட தயாரிப்பில் உருவாகியுள்ள தி லயன் கிங் படத்தின் டீஸர் டிரைலர் வெளியாகியுள்ளது.
1994ஆம் ஆண்டு வெளியான டிஸ்னியின் உலக புகழ் பெற்ற தி லயன் கிங் கார்ட்டூன் படம், டெக்னாலஜியின் வளர்ச்சியால் அப்கிரேட் ஆகி ரியல் காட்டு லைஃபை நம் கொண்டு வரும்படி தத்ரூபமாக உருவாக்கப்பட்டுள்ளது.
குரங்கு ஒன்று குட்டி சிங்கத்தை தூக்கி காட்டு விலங்கு கூட்டத்திற்கு தலைவனாக அறிவிக்கும் காட்சி பாகுபலி படத்தில் ரம்யா கிருஷ்ணன் குட்டி பாகுபலியை அடுத்த இளவரசனாக அறிவிக்கும் காட்சியை நினைவு படுத்துகிறது. குட்டி சிங்கம் பல தடைகளை கடந்து, அந்த காட்டுக்கே ராஜாவாக எப்படி மாறுகிறது என்ற கதையை அற்புதமான அனிமேஷன் மற்றும் கிராபிக்ஸ் உதவியுடன் மிரட்டியுள்ளது டிஸ்னி நிறுவனம்.
அயன்மேன் படத்தை இயக்கிய உலக புகழ் பெற்ற இயக்குநர் ஜான் ஃபேவ்ரூ இந்த படத்தை இயக்கியுள்ளார். சிம்பாவுக்கு டொனால்டு கிளோவர் குரல் கொடுத்துள்ளார். முக்கிய விலங்குகளுக்கு பிரபல ஹாலிவுட் நடிகர்கள் குரல் கொடுத்துள்ளனர்.
அடுத்த ஆண்டு ஜூலை 19ம் தேதி படம் உலகம் முழுவதும் ரிலீசாகிறது.