சினிமா செய்திகள்
சினேகன் திருமணத்தில் கமல்ஹாசன் – பாரதிராஜா: வைரல் புகைப்படம்
நடிகரும் பாடலாசிரியருமான சினேகன் திருமணம் ஜூலை 29ஆம் தேதி நடைபெற இருப்பதாக கடந்த சில நாட்களுக்கு முன்னர் அறிவிக்கப்பட்டிருந்த நிலையில் சற்று முன் சென்னையில் அவரது திருமணம் நடைபெற்றது.
சினேகன், நடிகை கன்னிகா ரவியை கடந்த சில ஆண்டுகளாக காதலித்து வந்த நிலையில் இருவரும் ஜூலை 29ஆம் தேதி திருமணம் செய்யப்போவதாக அறிவித்திருந்தனர். இந்த அறிவிப்பில் மக்கள் நீதி மய்யம் கட்சியின் தலைவர் கமல்ஹாசன்தான் திருமணத்தை நடத்தி வைப்பதாக கூறப்பட்டிருந்தது.
இந்த நிலையில் சற்று முன் சென்னையில் நடந்த இந்த திருமணத்திற்கு கமல்ஹாசன் வருகை தந்து திருமணத்தை நடத்தி வைத்தார். மேலும் இந்த திருமணத்தில் பாரதிராஜா உள்பட திரையுலகினர் பலரும் கலந்துகொண்டனர் என்பது குறிப்பிடத்தக்கது.
சமுத்திரக்கனி நடித்த ’அடுத்த சாட்டை’ உள்பட ஒரு சில திரைப்படங்களிலும் சில தொலைக்காட்சி சீரியல்களில் நடித்து இருக்கும் கன்னிகா ரவி, திருமணத்திற்கு பின்னரும் நல்ல கேரக்டர் கிடைத்தால் நடிப்பார் என்று எதிர்பார்க்கப்படுகிறது.
கொரோனா வைரஸ் ஊரடங்கு விதியின்படி இந்த திருமணத்தில் திருமணத்தில் மிகக்குறைந்த நபர்கள் மட்டுமே கலந்து கொண்டனர் என்பதும் ஊரடங்கு முழுவதுமாக விலக்கப்பட்ட பின் சென்னையில் பிரமாண்டமாக வரவேற்பு நடந்த சினேகன் திட்டமிட்டுள்ளதாகவும் கூறப்படுகிறது.