சினிமா செய்திகள்
கவிஞர் சினேகன் திருமணம் செய்யப்போவது இந்த நடிகையையா?
தமிழ் திரையுலகின் பிரபல பாடலாசிரியரும் பிக்பாஸ் நிகழ்ச்சியின் போட்டியாளர்களில் ஒருவருமான சினேகன் தமிழ் நடிகை ஒருவரை காதலித்து வந்ததாக ஏற்கனவே கூறப்பட்ட நிலையில் தற்போது வரும் 29ஆம் தேதி அவரது திருமணம் நடைபெற இருப்பதாக தகவல் வெளிவந்துள்ளது.
கவிஞர் சினேகன் கடந்த சில ஆண்டுகளாக நடிகை கன்னிகா என்பவரை காதலித்து வந்ததாக ஊடகங்களில் செய்திகள் வெளியானது. இந்த செய்தியை இருவரும் மறுக்கவும் இல்லை ஒத்துக்கொள்ளவும் இல்லை என்பது குறிப்பிடத்தக்கது.
இந்த நிலையில் தற்போது சினேகன் – கன்னிகா திருமணம் ஜூலை 29 ஆம் தேதி சென்னையில் நடைபெற இருப்பதாகவும் இந்த திருமணத்தை கமலஹாசன் அனுப்பி நடத்தி வைக்க இருப்பதாகவும் தகவல்கள் வெளிவந்துள்ளன. இதனை அடுத்து சினேகனுக்கும் நடிகை கன்னிகாவுக்கும் ரசிகர்கள் வாழ்த்துக்களை தெரிவித்து வருகின்றனர் என்பது குறிப்பிடத்தக்கது.
கொரோனா வைரஸ் காலம் என்பதால் தகுந்த பாதுகாப்புடன் இந்த திருமணம் நடைபெறும் என்றும் இந்த திருமணத்திற்கு மிகக் குறைந்த பார்வையாளர்கள் மட்டுமே கலந்து கொள்வார்கள் என்றும் கூறப்படுகிறது.
கவிஞர் சினேகன் தற்போது மக்கள் நீதி மய்யம் கட்சியில் முக்கிய நிர்வாகியாக இருக்கிறார் என்பதும் சமீபத்தில் நடைபெற்ற சட்டமன்ற தேர்தலில் அவர் விருகம்பாக்கம் தொகுதியில் போட்டியிட்டு தோல்வி அடைந்தார் என்பது குறிப்பிடத்தக்கது.