சினிமா செய்திகள்
மீண்டும் நேசமணி: இந்த முறை சிக்கியது கமல்ஹாசன்!
கடந்த சில ஆண்டுகளுக்கு முன்னர் டுவிட்டரில் நேசமணி என்ற ஹேஷ்டேக் உலக அளவில் வைரலானது என்பதும் இந்த ஹேஷ்டேக்கை பார்த்து தமிழ் தெரியாத மற்ற மொழியினர் ஆச்சரியப்பட்டனர் என்பதும் குறிப்பிடத்தக்கது
விஜய், சூர்யா நடித்த ’பிரண்ட்ஸ்’ என்ற திரைப்படத்தில் வடிவேலுவின் கேரக்டர் நேசமணி. இந்த கேரக்டரை மையப்படுத்தி கடந்த சில ஆண்டுகளுக்கு முன்னர் திடீரென ஹேஷ்டேக் ஒன்று வைரலானது. இது குறித்த ட்விட்டுகள் ஏராளமாக பதிவு செய்யப்பட்டது என்பது குறிப்பிடத்தக்கது
இந்த நிலையில் தற்போது மீண்டும் நேசமணி என்ற ஹேஷ்டேக் வைரலாகியுள்ளது பரபரப்பை ஏற்படுத்தி உள்ளது. இந்த முறை மீண்டும் நேசமணி என்ற ஹேஷ்டேக்கில் சிக்கியிருப்பவர் கமல்ஹாசன் என்பதும் குறிப்பிடத்தக்கது
கமல்ஹாசன் நடிப்பில் லோகேஷ் கனகராஜ் இயக்கத்தில் தயாராக இருக்கும் ’விக்ரம்’ திரைப்படத்தின் படப்பிடிப்பு விரைவில் வெளியாக உள்ள நிலையில் சமீபத்தில் இந்த திரைப்படத்தின் பர்ஸ்ட் லுக் போஸ்டர் வெளியானது. இந்த பஸ்ட் லுக் போஸ்டர் விருமாண்டி படத்தின் காப்பி என்று ஏற்கனவே நெட்டிசன்கள் கேலியும் கிண்டலும் செய்தனர்
இந்த நிலையில் தற்போது இந்த பர்ஸ்ட் லுக் போஸ்டரை மையமாக வைத்து பிரண்ட்ஸ் படத்தில் நடித்த வடிவேலு, ரமேஷ்கண்ணா மற்றும் சார்லி ஆகியவர்களின் புகைப்படத்தை வடிவமைத்து நெட்டிசன்கள் மீண்டும் நேசமணி என்ற ஹேஷ்டேக் வைரலாக்கி வருகின்றனர்.
