சினிமா செய்திகள்
தனுஷூக்கு ஜோடியாகும் மூன்று நாயகிகள் இவர்கள் தான்!
நடிகர் தனுஷ் சமீபத்தில் ஹாலிவுட் திரைப்படத்தை முடித்துவிட்டு தற்போது கார்த்திக் நரேன் இயக்கும் திரைப்படத்தில் நடித்து வருகிறார் என்பதும் இந்த படத்தின் படப்பிடிப்பு இன்னும் ஒரு சில நாட்களில் முடிந்துவிடும் என்றும் கூறப்படுகிறது.
இதனை அடுத்து செல்வராகவன் இயக்கும் படத்திலும், மித்ரன் ஜவஹர் இயக்கும் படத்திலும், அதனை அடுத்து வெற்றிமாறன் இயக்கும் படத்திலும், அதன்பின்னர் சேகர் கம்முலா இயக்கும் தமிழ் தெலுங்கு படத்தில் நடிக்க உள்ளார் என்பது குறிப்பிடத்தக்கது.
இந்த நிலையில் தனுஷ் மற்றும் மித்ரன் ஜவஹர் இணையும் திரைப்படம் குறித்த தகவல் தற்போது வெளிவந்துள்ளது. இந்த படத்தில் மூன்று நாயகிகள் என்று ஏற்கனவே தகவல் வெளி வந்த நிலையில் தற்போது அந்த மூன்று நாயகிகள் பிரியா பவானி சங்கர், ஹன்சிகா மற்றும் நித்யா மேனன் என செய்திகள் வெளியாகியுள்ளது. ஹன்சிகா ஏற்கனவே தனுசுடன் கடந்த 2011 ஆம் ஆண்டு வெளிவந்த ’மாப்பிள்ளை’ என்ற திரைப்படத்தில் தனுஷுக்கு ஜோடியாக நடித்துள்ளார் என்பது குறிப்பிடத்தக்கது. ஆனால் அதே நேரத்தில் நித்யா மேனன் மற்றும் பிரியா பவானி சங்கர் ஆகிய இருவரும் முதன் முதலாக தனுஷ் படத்தில் நடிக்க உள்ளனர் என்பது குறிப்பிடத்தக்கது.
பிரியா பவானி சங்கர், ஹன்சிகா மற்றும் நித்யா மேனன் ஆகிய மூவருக்கும் சம அளவில் முக்கியத்துவம் இருக்கும் அளவிற்கு கதை தயாரிக்கப்பட்டதாகவும் இந்த படம் மூன்று பேருக்கு மேல் பெருமை சேர்க்கும் வகையில் இருக்கும் என்றும் கூறப்படுகிறது.
மேலும் இது ஒரு ஜாலியான ரொமான்ஸ் படம் என்றும் மூன்று நாயகிகளையும் மாறி மாறி ஒருவருக்கு தெரியாமல் ஒருவரை தனுஷ் காதலிக்கும் ரொமான்டிக் டைரக்டர் என்றும் தனுஷ் இந்த கேரக்டரில் பிச்சு உதறுவார் என்றும் கூறப்படுகிறது. இந்த படத்தின் படப்பிடிப்பு விரைவில் தொடங்க இருப்பதாகவும் ஆரம்பகட்ட பணிகள் தற்போது நடைபெற்று வருவதாகவும் கூறப்படுகிறது. மித்ரன் ஜவஹர் இயக்கத்தில் ஏற்கனவே தனுஷ் ’யாரடி நீ மோகினி’, ‘குட்டி’ மற்றும் ‘உத்தமபுத்திரன்’ ஆகிய படங்களில் நடித்துள்ளார் என்பது தெரிந்ததே.
