விமர்சனம்
பில்லா பாண்டி பாஸா? ஃபெயிலா?
தீபாவளி தினத்தன்று சர்கார் படத்துக்கு போட்டியாக பல படங்கள் வெளியாகும் என முதலில் அறிவிக்கப்பட்டு, பின்னர் பல படங்கள் பின் வாங்கின. ஆனால், ஆர்.கே. சுரேஷ் நடிப்பில் வெளியான பில்லா பாண்டி குறைந்த தியேட்டர்களே கிடைத்தாலும், பரவாயில்லை என ரிலீஸ் ஆனது.
படம் எப்படி இருக்கு?
தயாரிப்பாளர் ஆர்.கே. சுரேஷ் பில்லா பாண்டி படத்தின் மூலம் ஹீரோவாக அப்டேட் ஆகியிருக்கிறார். முயன்றவரை நன்றாக நடிக்க முயற்சியும் செய்துள்ளார். ஆனால் அவரது முகத்தில் ஹீரோவுக்கு பதிலாக வில்லன் கலை தான் ஓடுகிறது.
அஜித்தை மட்டுமே நம்பி ஒரு படத்தை எடுத்துவிட முடியுமா என்றால்? அந்த படம் நிச்சயம் வெற்றி பெறாது. இந்த படத்தில் தீவிர அஜித் ரசிகராக அஜித்தை பூஜை அறையில் வைத்தே சாமி கும்பிடும் அளவுக்கு ஆர்.கே. சுரேஷ் தனது விஸ்வாசத்தை காட்டுகிறார். ஆனால், கொஞ்ச நேரத்துக்கு அப்புறம் இது அஜித் ரசிகர்களுக்கே போர் அடித்து விடுகிறது.
மாமன் பொண்ணு சாந்தினியை பில்லா பாண்டி காதலிக்கிறார். ஆனால், இது மாமனுக்கு பிடிக்கவில்லை. வெளியூருக்கு கட்டிட வேலைக்கு செல்லும் பில்லா பாண்டியை இந்துஜா ஒரு தலையாக காதலிக்கிறார். இந்த விஷயம் அவரது தந்தைக்கு தெரியவர, பில்லா பாண்டியை ஆள் வைத்து அடித்து விரட்டுகின்றனர்.
மீண்டும் பில்லா பாண்டி ஊருக்கு சென்றாரா? யாரை கைப்பிடித்தார் என்பதே மீந்துப் போன பழைய கதை.
வித்தார்த் மற்றும் சூரியின் கெஸ்ட் அப்பியரன்ஸ் படத்திற்கு பலமாக அமைந்துள்ளது. இந்துஜா சிறப்பான நடிப்பை வெளிப்படுத்தியுள்ளார்.
அஜித் ரசிகர் என்ற விளம்பரத்துடன், ஒரு சாதாரண முக்கோண காதல் படத்தை கமர்ஷியல் மசாலா தூவி எடுத்துள்ளனர். படம் ஒரு முறை தியேட்டரில் சென்று பார்க்கும் அளவுக்கு இருப்பது ஆர்.கே. சுரேஷுக்கு கிடைத்த மாபெரும் வெற்றியாகவே கருதப்படுகிறது.
சர்கார் படத்திற்கு கலவையான விமர்சனங்கள் வருவதால், பில்லா பாண்டிக்கு கூடுதல் தியேட்டர்கள் கிடைக்கும் வாய்ப்புகளும் உள்ளதாக தகவல்கள் கிடைத்துள்ளன.
பில்லா பாண்டி: 35/100.
பார்டர்ல பாஸாகிட்டான் பில்லா பாண்டி!