தமிழ்நாடு
தமிழகத்தின் புதிய டிஜிபி யார்? நாளை தெரியும் என தகவல்!
![tn police00 - Bhoomitoday](https://www.bhoomitoday.com/wp-content/uploads/2021/05/tn-police00.jpg)
தமிழகத்தில் தற்போது டிஜிபியாக இருக்கும் திரிபாதி அவர்களின் பதவிக்காலம் வரும் 30ஆம் தேதியுடன் முடிவடைகிறது. இதனை அடுத்து தமிழகத்தின் புதிய டிஜிபியாக தேர்வு செய்யப்படுபவர் யார் என்ற கேள்வி காவல் துறையினர் மத்தியில் உள்ளது.
இந்த நிலையில் தமிழகத்தின் புதிய டிஜிபி யார் என்பதை தேர்வு செய்வதற்காக நாளை அதாவது திங்கட்கிழமை டெல்லியில் ஆலோசனை கூட்டம் நடைபெற உள்ளது. இந்த ஆலோசனை கூட்டத்தில் தமிழக தலைமைச் செயலாளர் இறையன்பு ஐஏஎஸ், உள்துறைச் செயலாளர் எஸ்கே பிரபாகர், டிஜிபி திரிபாதி ஆகியோர் கலந்துகொள்ளவுள்ளனர். இதற்காக ஏற்கனவே அவர்கள் விமானம் மூலம் டெல்லி சென்று விட்டனர் என்பது குறிப்பிடத்தக்கது.
மத்திய அரசு பணியாளர் தேர்வாணைய மற்றும் உள்துறை அமைச்சக மூத்த அதிகாரிகள் பங்கேற்கும் இந்த கூட்டத்தில் ஏற்கனவே தமிழகத்தின் அடுத்த டிஜிபி யார் என மூன்று பெயர்கள் பரிந்துரை செய்யப்பட்டுள்ளதாகவும், இவர்களில் ஒருவர் தமிழகத்தின் புதிய டிஜிபியாக நியமிக்கப்படுவார் என்றும் கூறப்படுகிறது. தமிழகத்தின் புதிய டிஜிபி நியமனம் செய்யப்படுவது யார் என்பது குறித்த தகவல் நாளை வெளியாகும் என்று எதிர்பார்க்கப்படுகிறது.