உலகம்
சீனா, பாகிஸ்தான் இடையில் பேருந்து சேவை.. எந்த வழியாகத் தெரியுமா?
நட்பு நாடுகளான சீனா மற்றும் பாகிஸ்தான் இடையில் நவம்பர் மாதம் முதல் பேருந்து சேவைத் தொடங்க உள்ளனர். அதுவும் இந்தப் பேருந்து பாகிஸ்தான் ஆக்கிரமிப்பு காஷ்மீர் வழியாக என்பது கூடுதல் தகவல்.
டெல்லி – லாஹூர் இடையில் பேருந்து சேவை வழங்கியது போன்று பாகிஸ்தானின் லாஹூர் மற்றும் சீனாவின் தஸ்குர்கான் இடையில் இந்தப் பேருந்து பயணம் நிகழ உள்ளது.
இந்தப் பயணத்திற்குப் பாகிஸ்தான் ரூபாய் மதிப்பில் 23,000 செலவாகும் என்றும் அதுவே இந்திய ரூபாய் மதிப்பில் 12,775.75 ஆகும் என்றும் கூறப்படுகிறது.
பாகிஸ்தான், சீனா இடையில் நடைபெற உள்ள இந்தப் பேருந்து போக்குவரத்து மூலம் இரு நாடுகள் இடையிலான நட்புறவு மேலும் அதிகரிக்கும் என்றும் கூறுகின்றனர்.