தமிழ்நாடு
வைரலாகும் எச்.ராஜாவின் ‘வெறுப்பு பேச்சு’ வீடியோ தொகுப்பு!
![H Raja - Bhoomitoday](https://www.bhoomitoday.com/wp-content/uploads/2021/02/H-Raja-1.jpg)
தமிழக பாஜகவின் முக்கிய நிர்வாகிகளில் ஒருவராக இருப்பவர் எச்.ராஜா. வரும் ஏப்ரல் 6 ஆம் தேதி நடக்க இருக்கும் தமிழக சட்டமன்றத் தேர்தலில் அவர் காரைக்குடியில் அதிமுக கூட்டணி சார்பில் போட்டியிடுகிறார். இதையொட்டி அவர் காரைக்குடி தொகுத்தி உட்பட்ட இடத்தில் தீவிரப் பிரச்சாரத்தில் ஈடுபட்டு வருகிறார்.
இந்நிலையில் எச்.ராஜா, இதற்கு முன்னர் வெறுப்பை உமிழும்படி பேசியுள்ள காணொலிகள் வைரலாகி வருகிறது.
பண்பாளர் எச். ராஜாவுக்கே எனது வாக்கு என முடிவு செய்து விட்டேன். pic.twitter.com/5AngGkP1Ld
— Savukku_Shankar (@savukku) March 31, 2021
குறிப்பாக, கவிஞர் வைரமுத்து மற்றும் அவரது குடும்பத்தினர் குறித்து கொச்சையாக பேசியது, உயர் நீதிமன்றத்தைப் பற்றி தரைக் குறைவாக பேசியது, போராட்டத்தில் ஈடுபடும் மாணவர்களைப் பற்றி கொச்சையாக பேசியது உள்ளிட்ட காணொலிகள் அதில் இடம் பெற்றுள்ளன.
அதிமுக கூட்டணிக்கு எதிராக காரைக்குடியில் களம் கண்டுள்ளவர்கள், இந்த வீடியோ தொகுப்பை சமூக வலைதளங்களில் அதிகம் பகிர்ந்து வருகின்றனர்.
2021 சட்டசபைத் தேர்தலைப் பொறுத்தவரை பிரதான அரசியல் கட்சிகளைச் சேர்ந்த முக்கியத் தலைவர்கள் பலர் சர்ச்சைக்குரிய வகையில் பேசி, பெரும் பரபரப்பை கிளப்பி வருகின்றனர். இந்நிலையில் ராஜாவின் வீடியோவும் வைரலாகி வருகிறது.