தமிழ்நாடு
ரஜினியின் பரபரப்பு அறிக்கை.. அதிர்ச்சியில் ரசிகர்கள்!
![rajini - Bhoomitoday](https://www.bhoomitoday.com/wp-content/uploads/2018/10/rajini.bmp)
சென்னை: நடிகர் ரஜினியின் அரசியல் வருகை குறித்த முன்னுக்குப்பின்னான அறிவிப்புகள் எல்லாமும் அவரது ரசிகர்களை பெரிய குழப்பத்திற்கு உள்ளாக்கி உள்ளது.
சென்ற டிசம்பரில் அறிவிப்பு வெளியிட்ட ரஜினி ஒருவருடம் கழித்து இந்த டிசம்பரில்தான் கட்சி குறித்த அடுத்த அப்டேட்டை வெளியிடுவார் என்று கூறுகிறார்கள். டிசம்பர் 12ம் தேதி வரப்போகும் ரஜினியின் பிறந்த நாள் அன்று இந்த முக்கிய அறிவிப்பை வெளியிடுவார் என்று கூறுகிறார்கள்.
ஆனால் அவருக்கு நெருக்கமானவர்கள், ரஜினி அப்படி அறிவிப்பு வெளியிடும் திட்டம் எதிலும் இல்லை என்று கூறியுள்ளனர். இந்த வருடம் பெரிய அறிவிப்பு எதுவும் ரஜினியிடம் இருந்து இருக்காது என்றும் சொல்கிறார்கள்.
அதுமட்டுமில்லாமல்., ரசிகர் மன்றத்தில் பல வருடமாக இருந்தவர்கள் எல்லோருக்கும் கண்டிப்பாக பதவி கொடுக்க முடியாது. கொடுக்க வேண்டிய அவசியம் இல்லை என்று ரஜினி குண்டை தூக்கி போட்டுள்ளார்.
இது சில முக்கிய உறுப்பினர்களுக்கு மன்றத்தில் அதிர்ச்சியை ஏற்படுத்தி இருக்கிறது. 40 வருடமாக உழைத்தவர்களுக்கு பதவி கிடையாது என்று சொல்வதா என்று கேள்வி எழுப்பி இருக்கிறார்கள்.