சினிமா செய்திகள்
விராத்கோஹ்லி பயோபிக்கில் நடிக்கின்றாரா சிம்பு? வைரல் போஸ்டர்கள்!
சிம்பு நடிப்பில் வெங்கட் பிரபு இயக்கத்தில் உருவாகிவரும் ’மாநாடு’ படத்தின் படப்பிடிப்பு இறுதி கட்டத்தில் உள்ளது என்பது தெரிந்ததே. அதேபோல் ’பத்து தல’ என்ற திரைப்படத்திலும் அவர் நடித்து வருகிறார் என்பதும் விரைவில் அவர் கௌதம் மேனன் இயக்கவிருக்கும் ஒரு திரைப்படத்தில் நடிக்க உள்ளார் என்பதும் குறிப்பிடத்தக்கது.
இந்த நிலையில் முன்னணி இயக்குனர்கள் பலரும் சிம்புவை வைத்து படம் எடுக்க தயாராக இருக்கிறார்கள் என்பதும் அது குறித்த பேச்சுவார்த்தை நடைபெற்று வருகிறது என்பதும் விரைவில் அறிவிப்புகள் அடுத்தடுத்து வரும் என்பதும் குறிப்பிடத்தக்கது.
இந்த நிலையில் கடந்த சில நாட்களாக இந்திய கிரிக்கெட் அணியின் கேப்டன் விராட் கோலி பயோபிக் திரைப்படத்தில் சிம்பு நடிக்க இருப்பதாக தகவல்கள் வெளிவந்து கொண்டிருக்கின்றன. இந்த தகவலை அடுத்து ரசிகர்கள் விராட் கோலி போன்றே சிம்புவின் புகைப்படத்தை பதிவு செய்து வருகின்றனர் என்பதும் அவை அச்சுஅசலாக விராத் கோஹ்லி போன்றே இருப்பதால் இந்த தகவல் உண்மையாக வேண்டும் என்றும் ரசிகர்கள் கருத்து தெரிவித்து வருகின்றனர் என்பதும் குறிப்பிடத்தக்கது.
ஏற்கனவே கடந்த சில ஆண்டுகளுக்கு முன்னர் சிம்பு-நயன்தாரா லிப்லாக் புகைப்படத்தையும் விராட் கோலி அனுஷ்கா சர்மா லிப்லாக் புகைப்படத்தையும் ரசிகர்கள் ஒப்பிட்டு பதிவு செய்தனர் என்பது குறிப்பிடத்தக்கது.
