டாக்டர் பட ரிலீஸ் தேதியை ஒத்தி வைக்கின்றாரா சிவகார்த்திகேயன்?

சிவகார்த்திகேயன் நடித்த டாக்டர் திரைப்படம் மார்ச் 26 ஆம் தேதி வெளியாகும் என ஏற்கனவே அதிகாரபூர்வமாக அறிவிக்கப்பட்டு அதுகுறித்த புரமோஷன் பணிகள் தற்போது நடைபெற்று வருகின்றன.

ஏற்கனவே இந்த படத்தில் இடம்பெற்ற இரண்டு பாடல்கள் வெளியாகி ஹிட்டாகிய நிலையில் விரைவில் இந்த படத்தின் டிரைலர் வெளியாக உள்ளதாக செய்திகள் வெளியாகி உள்ளது. இந்த நிலையில் தற்போது ரிலீஸ் தேதியை மார்ச் 26 ஆம் தேதியில் இருந்து இரண்டு வாரங்களுக்கு ஒத்தி வைக்க முடிவு செய்திருப்பதாக கூறப்படுகிறது.

ஏப்ரல் 6-ஆம் தேதி தமிழகத்தில் தேர்தல் நடக்கவிருக்கும் நிலையில் தேர்தல் பரபரப்பில் டாக்டர் திரைப்படம் வெளியானால் எதிர்பார்த்த வசூல் கிடைக்குமா? மக்களைச் சென்றடையுமா? என்ற சந்தேகம் ஏற்பட்டுள்ளதாகவும் இதனை அடுத்து படக்குழுவினர் இந்த முடிவை எடுத்துள்ளதாகவும் கூறப்படுகிறது.

எனவே டாக்டர் படத்தின் புதிய ரிலீஸ் தேதி குறித்த அறிவிப்பு விரைவில் வெளிவரும் என்று கூறப்படுகிறது. நெல்சன் திலீப்குமார் இயக்கத்தில் அனிருத் இசையில் உருவாகியுள்ள டாக்டர் திரைப்படம் சிவகார்த்திகேயன் ரசிகர்களின் மிகப்பெரிய எதிர்பார்ப்புக்குரிய படம் என்பது குறிப்பிடத்தக்கது.