சினிமா செய்திகள்
போனி கபூர் தயாரிப்பில் களம் இறங்கும் ஆர்.ஜே.பாலாஜி..!
ஆர்.ஜே.பாலாஜி அடுத்து தான் இயக்கி, நடிக்கும் படத்தை பாலிவுட் தயாரிப்பாளர் போனி கபூர் தயாரிக்க உள்ளார்.
பாலிவுட்டில் சில ஆண்டுகளுக்கு முன் வெளியாகி சூப்பர் ஹிட் அடித்த படம் பதாய் ஹோ. இந்தப் படத்தில் நடிகர் ஆயுஷ்மான் குரானா நாயகன் ஆக நடித்திருந்தார். கல்யாண வயதில் மகன் இருக்கும் போது பெற்றோர்கள் மூன்றாவது முறையாக கர்ப்பம் ஆக அதை அந்தக் குடும்பம் எப்படி எதிர்கொள்கிறது என்பது தான் கதை.
இந்தக் கதையை தற்போது பாலிவுட் ரீமேக் படமாக ஆர்.ஜே பாலாஜி இயக்கி நடிக்கவும் உள்ளார். இந்தப் படத்துக்கு வீட்ல விசேஷங்க எனத் தலைப்பு வைக்க உள்ளதால் இதே தலைப்பை ஏற்கெனவே வைத்திருந்த பாக்கியராஜிடம் பேச்சுவார்த்தை நடத்தப்பட்டுள்ளதாம். போனி கபூர் தமிழில் தயாரிக்கும் மூன்றாவது படமாக இது இருக்கும்.
போனி கபூர் இதற்கு முன்னர் அஜித்-ந் நேர்கொண்ட பார்வை, விரைவில் வெளியாக உள்ள வலிமை ஆகிய இரண்டையும் தயாரித்தார். இந்தப் படத்துக்கு ஆர்.ஜே பாலாஜி உடன் எல்.கே.ஜி படத்தில் ஜோடியாக நடித்த பிரியா ஆனந்த் தான் மீண்டும் ஜோடி சேர உள்ளார்.