தமிழ்நாடு
திமுக கூட்டணி ஆட்சியை பிடிக்கும்: கருத்துக்கணிப்பில் தகவல்!
வரும் சட்டமன்ற தேர்தலில் திமுக கூட்டணி பெரும்பாலான தொகுதிகளில் வெற்றி பெற்று ஆட்சியை பிடிக்கும் என சிவோட்டர் மற்றும் ஏபிபி கருத்துக் கணிப்பு தெரிவித்துள்ளது.
திமுக தலைமையிலான கூட்டணிக்கு 154 முதல் 162 தொகுதிகள் வரை கிடைக்கும் என்றும், 41 சதவீதத்துக்கும் அதிகமான வாக்குகள் கிடைக்கும் என்றும் அந்த கருத்துக் கணிப்பில் தெரிவிக்கப்பட்டுள்ளது.
அதேபோல அதிமுக கூட்டணிக்கு 58 முதல் 66 இடங்கள் வரை கிடைக்கும் என்றும் அந்த கூட்டணிக்கு 28.6 சதவீத வாக்குகள் கிடைக்கும் என்றும் தெரிவிக்கப்பட்டுள்ளது.
மேலும் கமல்ஹாசனின் மக்கள் நீதி மய்யம் கூட்டணிக்கு 2 முதல் 6 இடங்கள் கிடைக்கும் என்றும் தினகரனின் அமமுக கூட்டணிக்கு ஒன்று முதல் ஐந்து இடங்கள் கிடைக்கும் என்றும் மற்ற கட்சிகளுக்கு 5 தொகுதிகள் வரை கிடைக்கும் என்றும் கணிக்கப்பட்டுள்ளது.
திமுக அதிமுக என்ற இரு தரப்பிலும் இன்னும் கூட்டணிகள் முழுமையாக முடிவடையாத நிலையில் இந்த கருத்து கணிப்பு சரியாக இருக்குமா என்பதை பொறுத்திருந்து பார்ப்போம்.