தமிழ்நாடு
தமிழகத்தின் தேர்தல் தேதி அறிவிப்பு: இந்த தேதியை யாரும் எதிர்பார்க்கவே இல்லை
தமிழகத்தில் தேர்தல் தேதி இன்று மாலை அறிவிக்கப்படும் என ஏற்கனவே தேர்தல் ஆணையம் தெரிவித்திருந்த நிலையில் சற்றுமுன் தமிழகத்தில் ஏப்ரல் 6ஆம் தேதி தேர்தல் நடத்தப்படும் என தேர்தல் ஆணையம் அறிவித்துள்ளது
மே மாதம் முதல் வாரம் அல்லது ஏப்ரல் இறுதி வாரம் தேர்தல் நடத்தப்படும் என்று எதிர்பார்க்கப்பட்ட நிலையில் திடீரென ஏப்ரல் ஆறாம் தேதியே தேர்தல் என தேர்தல் ஆணையம் அறிவித்துள்ளது யாரும் எதிர்பாராத ஒன்று என்பது குறிப்பிடத்தக்கது., மேலும் தமிழகத்தில் தேர்தல் ஒரே கட்டமாக நடத்தப்படும் என்றும் அறிவிக்கப்பட்டுள்ளது
மேலும் தமிழகத்தை போலவே கேரளாவிலும் ஏப்ரல் 6-ஆம் தேதி ஒரே கட்டமாக தேர்தல் நடத்தப்படும் என்றும் அறிவிக்கப்பட்டுள்ளது. தமிழகம் உள்பட 5 மாநிலங்களில் நடைபெறும் தேர்தலின் வாக்கு எண்ணிக்கை மே மாதம் 2ஆம் தேதி எண்ணப்படும் என தேர்தல் ஆணையர் தெரிவித்துள்ளார்
திருவிழா, பண்டிகை தேர்வுகள் அனைத்தையும் கருத்தில் கொண்டே தேர்தல் அட்டவணை தயாரிக்கப்பட்டதாகவும் தேர்தல் தொடர்பான சந்தேகங்களுக்கு 1950 என்ற இலவச எண்ணை தொடர்பு கொள்ளலாம் என்றும் அவர் தெரிவித்துள்ளார்
தேர்தல் தேதி குறித்த தகவல்கள்:
வேட்புமனு தாக்கல் தொடங்கும் நாள் – மார்ச் 12
வேட்புமனு தாக்கலுக்கு கடைசி நாள் – மார்ச் 19
வேட்புமனு மீதான பரிசீலனை – மார்ச் 20
வேட்புமனு திரும்பப் பெற கடைசி நாள் – மார்ச் 22
வாக்குப்பதிவு நாள் – ஏப்ரல் 6
வாக்கு எண்ணிக்கை நாள் – மே 2