தமிழ்நாடு
ரஜினியை சந்தித்த கமல்: சட்டமன்ற தேர்தலில் ஆதரவா?
சூப்பர் ஸ்டார் ரஜினிகாந்த் சமீபத்தில் தான் அரசியலுக்கு வரப்போவதில்லை என்று உறுதிபட கூறிவிட்ட நிலையில் அவர் யாருக்கு ஆதரவு அளிப்பார் என்ற கேள்வி ரசிகர்கள் மனதிலும் மக்கள் மனதிலும் எழுந்தது.
இந்த நிலையில் ரஜினியின் ஆதரவைப் பெறுவதற்காக அவரை நேரில் சந்திப்பேன் என கடந்த சில வாரங்களுக்கு முன்னர் தேர்தல் பிரச்சாரம் செய்தபோது கமல்ஹாசன் கூறியிருந்தார். அவர் எப்போது ரஜினியை சந்திப்பார் என்ற எதிர்பார்ப்பு ஏற்பட்டு இருந்த நிலையில் இன்று திடீரென ரஜினியை கமல்ஹாசன் சந்தித்துள்ளார்.
இந்த சந்திப்பின்போது அவர் ரஜினியிடம் மக்கள் நீதி மய்யம் கட்சிக்கு ஆதரவு தருமாறு கேட்டுக் கொள்வார் என்று எதிர்பார்க்கப்படுகிறது. இருப்பினும் ரஜினிகாந்த் என்ன பதில் சொல்வார் என்பதை பொறுத்திருந்துதான் பார்க்கவேண்டும்.
ரஜினிகாந்த் ஒன்று அரசியலுக்கு நேரடியாக வருவார் அல்லது அரசியல் விட்டு முழுமையாக விலகி இருப்பார் என்றும் அதனால் அவர் கமல் உள்பட யாருக்கும் ஆதரவு தர வாய்ப்பு குறைவு என்றும் அரசியல் விமர்சகர்கள் கருத்து தெரிவித்து வருகின்றனர்.
