சினிமா செய்திகள்
சிவகார்த்திகேயனின் ‘டான்’ படத்தில் இணைந்த ‘பிக்பாஸ்’ பிரபலம்..!- வைரல் புகைப்படம்
நடிகர் சிவகார்த்திகேயனின் ‘டான்’ படத்தில் புதிதாக பிக்பாஸ் பிரபலம் ஒருவர் இணைந்துள்ளார்.
டான் திரைப்படத்தை அறிமுக இயக்குநரான சிபிச் சக்கரவர்த்தி இயக்க அனிருத் இசை அமைக்கிறார். இந்தப் படத்தை லைகா உடன் இணைந்து சிவகார்த்திகேயன் ப்ரொடக்ஷன்ஸ் தயாரித்து வழங்க உள்ளது. இந்தப் படத்தில் நடிகர் சிவகார்த்திகேயனுக்கு ஜோடியாக அவருடன் டாக்டர் படத்தில் நடித்த பிரியங்கா மோகன் நடிக்கிறார்.
சிவகார்த்திகேயன், பிரியங்கா உடன் சமுத்திரக்கனி, சூரி, முனிஸ்காந்த், பால சரவணன், ஆர்ஜே விஜய் ஆகியோர் முக்கியக் கதாபாத்திரங்களில் நடிக்கின்றனர். இவர்களுடன் விஜய் டிவி-யில் சூப்பர் சிங்கர், குக்கு வித் கோமாளி எனக் கலக்கிக் கொண்டிருக்கும் சிவாங்கி இணைந்துள்ளார்.
இதுபோக, குக்கு வித் கோமாளி சீசன் 1 ரன்னர் உமா ரியாஸ் மகனும் பிக்பாஸ் தமிழ் சீசன் 2 நிகழ்ச்சியில் பங்கேற்றவருமான ஷாரிக் ரியாஸ் டான் படத்தில் இணைந்துள்ளார். இதுகுறித்து உமா ரியாஸ் இன்ஸ்டா போஸ்ட் மூலம் உறுதிபடுத்தி உள்ளார்.
View this post on Instagram
