உலகம்
Viral: சிறுத்தையை ஒரே கவ்வு… சுருட்டி இழுத்துச் சென்ற முதலை – அலறவிடும் வீடியோ!
![Crocodile attacking cheetah - Bhoomitoday Crocodile attacking cheetah](https://www.bhoomitoday.com/wp-content/uploads/2020/12/Untitled-66.jpg)
தென்னாப்பிரிக்காவில் சில நாட்களுக்கு முன்னர் எடுக்கப்பட்ட வீடியோ ஒன்று தற்போது சமூக வலைதளங்களில் வைரலாகி வருகிறது.
தென்னாப்பிரிக்காவில் உள்ள ஃபிண்டா பிரைவேட் கேம் சரணாலயத்தில் இந்த வீடியோ எடுக்கப்பட்டுள்ளது. வைல்டு எர்த் டிவி இந்த வீடியோவை ரிலீஸ் செய்துள்ளது. காணொலியில் ஒரு சிறுத்தை, தாகம் தீர்க்க அருகில் இருக்கும் நீர் நிரம்பிய குட்டைக்கு வருகிறது. எந்த வேட்டையாடிகளும் கரையில் இல்லாத காரணத்தினால், மிகுந்த கவனத்துடன் நக்கி நக்கி நீர் அருந்துகிறது.
சில கணங்கள் அமைதியாக கடந்தன. நீரும் சூழலும் நிசப்தம் நிறைந்தவையாக இருக்கிறது. அப்போதுதான் சுமார் 13 அடி நீளம் கொண்ட ஒரு முதலை, திடீரென்று தண்ணீரிலிருந்து பீறிட்டு எழுகிறது. அந்த முதலை சரியாக சிறுத்தையின் கழுத்தைக் கவ்வுகிறது. செய்வதறியாமல் தவிக்கும் சிறுத்தை, முதலையின் பிடியிலிருந்து நழுவப் பார்க்கிறது.
ஆனால் அந்த ராட்சத முதலையின் பிடி, அவ்வளவு எளிதில் விடுபடக் கூடியது அல்ல. கண்ணிமைக்கும் நேரத்தில் சிறுத்தையை குட்டையின் அடியாழத்துக்கு இழுத்து செல்கிறது முதலை. பார்ப்போர் நெஞ்சை பதைபதைக்க வைக்கும் வகையில் உள்ளது இந்த காணொலிக் காட்சி.
வைரல் காணொலியைப் பார்க்க: