கிரிக்கெட்
மனைவி மிரட்டுகிறார் எனக்கு போலீஸ் பாதுகாப்பு வேணும்: கிரிக்கெட் வீரர் முகமது ஷமி!
இந்திய கிரிக்கெட் அணியின் முன்னணி வேகப்பந்து வீச்சாளர் முகமது ஷமி தனது உயிருக்கு மனைவியால் அச்சுறுத்தல் இருப்பதால் துப்பாக்கி ஏந்திய போலீஸ் பாதுகாப்பு தனக்கு வேண்டுமென கோரிக்கை வைத்துள்ளதாக தகவல்கள் வெளியாகி உள்ளது.
இந்திய கிரிக்கெட் வீரர் முகமது ஷமிக்கு பல பெண்களுடன் தொடர்பு இருப்பதாக அவரது மனைவி சமீபத்தில் பாலியல் குற்றச்சாட்டுகளை முன் வைத்தார். மேலும் ஷமி மேட்ச் பிக்சிங்கிலும் ஈடுபட்டதாக அவரது மனைவி குற்றம் சாட்டினார். இதனையடுத்து இதுகுறித்து விசாரித்த இந்திய கிரிக்கெட் வாரியம் முகமது ஷமி எந்த மேட்ச் பிக்சிங்கிலும் ஈடுபடவில்லை என உறுதி செய்தது.
இதனையடுத்து ஐபிஎல் போட்டிகளில் விளையாடினார் ஷமி, இந்நிலையில் வரும் 4-ஆம் தேதி துவங்க உள்ள மேற்கு இந்திய தீவுகள் அணிக்கு எதிரான டெஸ்ட் தொடரில் பங்கேற்க தீவிர பயிற்சியில் உள்ள ஷமி, தனது மனைவி மிரட்டுவதால், தனக்கு துப்பாக்கி ஏந்திய போலீஸ் பாதுகாப்பு வேண்டும் என கோரிக்கை வைத்துள்ளதாக தகவல்கள் வெளியாகியுள்ளது.