சினிமா
விஜயின் சர்காருக்கு ஆப்பு வைத்த தமிழ் ராக்கர்ஸ்: இணையத்தில் லீக், அதிர்ச்சியில் படக்குழு!
தமிழின் முன்னணி நடிகர் விஜய் இயக்குநர் ஏ.ஆர்.முருகதாஸுடன் கத்தி, துப்பாக்கி படங்களுக்கு பின்னர் மூன்றாவது முறையாக கூட்டணி சேர்ந்து சர்கார் படத்தில் நடித்துள்ளார். இதில் கீர்த்தி சுரேஷ் விஜய்க்கு ஜோடியாக நடித்துள்ளார். இந்த படம் விரைவில் திரைக்கு வர உள்ளது.
இந்த படத்தின் இசை வெளியீட்டு விழாவை இன்று பிரம்மாண்டமாக நடத்த இந்த படத்தை தயாரிக்கும் சன் பிக்சர்ஸ் நிறுவனம் திட்டமிட்டிருந்தது. இதனையடுத்து படத்தின் பாடல்களை கேட்க நடிகர் விஜயின் ரசிகர்கள் பட்டாளம் மிகுந்த எதிர்பார்ப்புடன் காத்திருந்தனர்.
ஆனால் தமிழ் சினிமாவிற்கே பெரும் அச்சுறுத்தலாக இருக்கும் தமிழ் ராக்கர்ஸ் இணையதளம் சர்கார் படக்குழுவுக்கும் சன் பிக்சர்ஸ் நிறுவனத்துக்கும் அதிர்ச்சி வைத்தியம் ஒன்றை அளித்துள்ளது. சர்கார் படத்தில் இடம்பெற்றுள்ள 5 பாடல்களும் தமிழ் ராக்கர்ஸ் இணையத்தில் திருட்டுத்தனமாக வெளியாகியுள்ளது.
இன்று இப்படத்தின் இசை வெளியீட்டு விழா நடக்கவுள்ளது. ஆனால் அதற்கு முன்னர் தமிழ் ராக்கர்ஸ் அதனை திருட்டுத்தனமாக வெளியிட்டுள்ளது தமிழ் திரையுலகினர் மத்தியில் கடும் அதிர்ச்சியை ஏற்படுத்தியுள்ளது. மேலும் சர்கார் படத்தின் பாடல்களும் அனைத்தும் திருட்டுத்தனமாக வெளியானதை தொடர்ந்து இது குறித்து சன் பிக்சர்ஸ் நிறுவனம் அதிரடி நடவடிக்கை எடுக்க வேண்டும் என்று பலரும் வேண்டுகோள் விடுத்துள்ளனர்.