சினிமா செய்திகள்
விசா வேண்டும் என்பதற்காகத் திருமணம் செய்துகொண்டேன்: ராதிகா ஆப்தே
பிரபல பாலிவுட் நடிகை ராதிகா ஆப்தே, இந்திய திரைத்துறையில் தவிர்க்க முடியாத நபராக உள்ளார். அவ்வப்போது சமூகப் பிரச்சினைகளுக்காகவும் குரல் கொடுத்தும் வருகிறார்.
அண்மையில் ராதிகா ஆப்தே அளித்த பேட்டி ஒன்றில், “தனக்குப் பாரம்பரிய திருமணத்தில் நம்பிக்கை கிடையாது. திருமணம் செய்துகொண்டால் விசா எளிதாகக் கிடைக்கும் என்பதற்காகத் திருமணம் செய்துகொண்டேன்.
என்னை பொறுத்தவரையில் அப்படி எந்த ஒரு எல்லையும் இருக்கக் கூடாது. எனக்குப் பிரமாண்டமான திருமணத்திலும் விருப்பம் இல்லை.
ஆனால் நான் அவருடன் சேர்ந்து வாழ விரும்பினேன். அது நியாயமில்லை என்றும் நான் நினைக்கிறேன்.” என்று ராதிகா ஆப்தே கூறியுள்ளார்.
ராதிகே ஆப்தே 2012-ம் ஆண்டு, பிரிட்டிஷ் இசை அமைப்பாளரான பெனடிக்ட் டெய்லரை திருமணம் செய்துகொண்டார் என்பது குறிப்பிடத்தக்கது.