சினிமா செய்திகள்
சிம்புவின் அடுத்த படம் நேரடியாக ஓடிடியில் வெளியாக வாய்ப்பு!
கொரோனா ஊரடங்கு எல்லாம் முடிந்து திரைப்பட ஷூட்டிங் தொடங்கியுள்ளது. சிம்பு அடுத்ததாக மாநாடு திரைப்படத்தில் நடிப்பார் என்று பார்த்தால் சுசீந்திரன் இயக்கத்தில் பெயரிடப்படாத படத்தில் நடிக்க மதுரை சென்றுவிட்டார்.
சிம்பு மதுரை சென்றது மட்டுமல்லாமல், படத்தின் ஷூட்டிங் செல்லும் முன்பு மீனாட்சி அம்மன் கோவில் சென்று பூஜையும் செய்துவிட்டு வந்துள்ளார்.
சுசீந்திரன் எந்த திரைப்படத்தை எடுத்தால் வேகமாக எடுத்து முடிக்கக் கூடியவர். எனவே 30 நாட்களில் படத்தின் ஷூட்டிங்கை முடிக்க படக்குழு திட்டமிட்டுள்ளது.
சிம்புவும் ஷூட்டிங்கிற்கு நேரத்திற்கு வரமாட்டார் என்று கூறப்பட்டு இருந்தாலும், தற்போது மன நிலையில் நல்ல மாற்றம் உள்ளதாகக் கூறப்படுகிறது. அதுமட்டுமல்லாமல் உடல் எடையை பெருமளவில் ஊரடங்கு காலத்தில் குறைத்துள்ள சிம்பு, மன்மதன் சிம்பு போல இருப்பார் என்று கூறப்படுகிறது.
சிம்பு மீனாட்சி அம்மன் கோவிலுக்கு சென்று இருந்தாலும், அது சிம்பு தானா என்று தெரியாத அளவிற்கு மாஸ்க் எல்லாம் அணிந்து சென்றுள்ளார். உடல் எடை குறைந்த பிறகு சிம்புவின் புகைப்படம் இதுவரை வெளியாகவில்லை. எனவே அடுத்து சிம்புவின் புகைப்படம் வெளிவருகிறது என்றால் படத்தின் ஃப்ரஸ்ட் லுக்காகதான் இருக்கும் என்று கூறப்படுகிறது.
எனவே படத்தின் எதிர்பார்ப்பும் அதிகரித்துள்ளது. இப்படி எல்லாம் பாசிடிவாக ஒரு பக்கம் போக, படத்தை நேரடியாக வெளியிட ஹாட் ஸ்டார் ஒப்பந்தம் போட பேச்சுவார்த்தை நடைபெற்று வருகிறது.
நீண்ட காலம் பிறகு சிம்புவின் படம் இப்படி வேகமாக உருவாகி வரும் நிலையில், படம் திரைக்கு வரும் என்று பார்த்தால் ஓடிடியில் வெளியாக அதிக வாய்ப்புள்ளதாகவும் கூறப்படுகிறது. அதுமட்டுமல்லாமல் படத்தின் பட்ஜெட்டை விட இரண்டு மடங்கு அதிக பணம் அளித்து வாங்க ஹாட் ஸ்டார் பேச்சுவார்த்தை நடத்தி வருகிறது. ஆனால் படத்திற்கான அட்வான்ஸ் பணத்தை 30 நாளில் ஷூட்டிங் முடிந்தால் மட்டுமே வழங்க முடியும் என்று ஹாட் ஸ்டார் தெரிவித்துள்ளது.
30 நாட்களில் படப்பிடிப்பு முடிவடைந்தால், பொங்கலுக்கு படம் வெளியாக வாய்ப்புள்ளது. எனவே ஹாட் ஸ்டாரா? திரை அரங்கா? என்பது தற்போதைக்கு கேள்விக்குறியாக உள்ளது.
ஆனால் ஓடிடியில் வெளியானால் சிக்கல் ஏதுமில்லாமல், அதிக லாபம் கிடைக்கும் என்று படக்குழு எதிர்பார்க்கிறது. மறுபக்கம் கொரோனா ஊரடங்கு முடிந்தாலும் விஜய் நடிப்பில் ரிலீஸ் ஆக தயாராக உள்ள மாஸ்டர் திரைப்படம், சில நாட்களே படப்பிடிப்பு உள்ள அஜித்தின் வலிமை திரைப்படங்களும் பொங்கலுக்கு வெளியாக அதிக வாய்ப்புள்ளதாகக் கூறப்படுகிறது.
எது எப்படியோ? சிம்புவின் படம் வேகமாக உருவாகி, விரைவில் வெளியாகும் என்பது மட்டும் அவரது ரசிகர்களுக்கு மகிழ்ச்சி செய்தியாக இருக்கும்.
