சினிமா செய்திகள்
நான் அதுக்கு சரிப்பட்டு வரமாட்டேன்.. பிரியா பவானி சங்கர்!
![Priya Bhavani shankar - Bhoomitoday](https://www.bhoomitoday.com/wp-content/uploads/2020/05/Priya-Bhavani-shankar.jpg)
செய்தி வாசிப்பாளர், சின்ன திரை நடிகை, துணை நடிகை என்று இருந்த பவானி சங்கர் தற்போது முழு நேர திரைப்பட கதாநாயகியாக மாறியுள்ளார்.
கிராமத்துப் பெண், குடும்ப பெண் மற்றும் காவல் துறை என பல்வேறு வேடங்களில் பிரியா பவானி சங்கர் நடித்து இருந்தாலும் கிளாமர் கதாபாத்திரங்களில் இதுவரை நடித்ததில்லை. எனவே பிரியா பவானி சங்கரைப் பார்க்கும் போது பக்கத்து வீட்டு பெண் போலவே உள்ளது என்று அவரது ரசிகர்களை அவரை கொண்டாடி வருகின்றனர்.
என்ன தான் அவர் குடும்ப கதைகளிலும், கிளாமர் இல்லாத வேடங்களில் நடித்து வந்தாலும், அவரையும் கிளாமரில் பார்க்க வேண்டும் என்று சிலர் இருப்பார்கள் போல. அப்படி ஒரு கலந்துரையாடல் நிகழ்ச்சியில் பிரியா பவானி சங்கரிடம் நீங்கள் ஏன் கிளாமர் வேடங்களில் நடிப்பதில்லை என்று கேள்வி எழுப்பப்பட்டது.
அதற்கு பதில் அளித்த பிரியா பவானி சங்கர், எனக்கு கிளாமர் ஒத்து வராது. என் முகத்திற்கும், உடல்வாகிற்கும் கிளாமர் சரிப்பட்டு வராது என்று தெரிவித்துள்ளார். ஆனால் குடும்ப கதைகளில் கதாநாயகிகளாக அறிமுகம் ஆகும் பெரும்பாலானவர்கள் சொல்லும் பதில் தான் இது. அங்காடி சரிந்தால் கிளாமருக்கு வருவார் என்றும் கோடம்பாக்கத்தினர் கிசுகிசுக்கின்றனர்.
பிரியா பவானி ஷங்கர் தற்போது ஷங்கர் இயக்கத்தில் கமல் ஹாசன், காஜல் அகர்வால், ரகுல் ப்ரித் சிங், சித்தார்த் உள்ளிட்டவர்களுடன் இணைந்து இந்தியன் 2 படத்தில் முக்கிய வேடத்தில் நடித்து வருவதும் குறிப்பிடத்தக்கது.