பர்சனல் ஃபினான்ஸ்
ரூ.25 ஆயிரம் முதல் 1 லட்சம் வரை.. கொரோனா வைரஸ் இன்சூரன்ஸ் பாலிசியை அறிமுகம் செய்த ரிலையன்ஸ்!
ரிலையன்ஸ் ஜெனரல் இன்சூரன்ஸ் நிறுவனம் அதிகரித்து வரும் கொரோனா வைரஸ் சிகிச்சைகளுக்காக இன்சூரன்ஸ் பாலிசியை அறிமுகம் செய்துள்ளது.
நோவல் கொரோனா வைரஸ் சிகிச்சைகளுக்கு உதவும் இந்த இன்சூரன்ஸ் பாலிசியை வழங்க பேடிஎம் நிறுவனத்திடமும் ரிலையன்ஸ் ஜெனரல் இன்சூரன்ஸ் கூட்டு சேர்ந்துள்ளது. எனவே பெடிஎம் செயலிகள் மூலமாகவும் இந்த இன்சூரன்ஸ் பாலிசிகளை வாங்கிக்கொள்ள முடியும்.
ரூ.255 கொடுத்து நோவல் கொரோனா வைரஸ் பிரீமியம் வாங்கினால் 25 ஆயிரம் ரூபாய் வரையில் சிகிச்சை பெற முடியும். இதுவே 1,020 ரூபாய் கொடுத்து வாங்கினால் 1 லட்சம் ரூபாய் வரை பாலிசி கவர் கிடைக்கும்.
மூன்று முதல், 60 வயதானவர்கள் வரை இந்த இன்சூரன்ஸ் பாலிசியை வாங்கலாம்.
தமிழகத்தில் மிகவும் பிரபலமான ஸ்டார் ஹெல்த் இன்சூரன்ஸ் நிறுவனத்தில் 459 ரூபாய் கொடுத்து பாலிசி வாங்கினால் 21,000 ரூபாய் வரையிலும் 918 ரூபாய் கொடுத்து பாலிசி வாங்கினால் 42,000 ஆயிரம் ரூபாயும் கொரோனா வைரஸ் சிகிச்சைக்காகக் கிடைக்கும்.
ரிலையன்ஸ் ஜெனரல் இன்சூரன்ஸ் மற்றும் ஐசிஐசிஐ லம்பார்ட் கொரோனா வைரஸ் இன்சூரன்ஸ் பாலிசிகளை குழுவாக மட்டுமே பெற முடியும். ஆனால் ஸ்டார் ஹெல்த் இன்சூரன்ஸ் பாலிசியை தனி ஒரு நபராகவும் பெறலாம் என்று கூறப்படுகிறது.
