வணிகம்
சுதந்திர தின சலுகையாக 44,990 ரூபாய் போனை 1947 ரூபாய்க்கு அளிக்கும் விவோ..!
![Vivo Nex - Bhoomitoday](https://www.bhoomitoday.com/wp-content/uploads/2018/08/Vivo-Nex.jpg)
புதிய ஸ்மார்ட்போன் வாங்க விழா காலங்கள் அதிகச் சலுகைகளை அளிக்கும். இ-காமர்ஸ் நிறுவனங்கள் ஒரு பக்கம் சலுகைகளை வழங்கி வரும் நிலையில் ஸ்மார்ட்போன் நிறுவனங்களும் சலுகைகளை வழங்குவது வழக்கம்.
அப்படி இந்தியாவின் 72-ம் ஆண்டுச் சுதந்திர தினத்தினைப் போற்றும்படி விவோ மிகப் பெரிய சலுகையை அறிவித்துள்ளது.
வரும் ஆகஸ்ட் 15-ம் தேதி சுதந்திர தின கொண்டாட்டம் நடைபெற உள்ள நிலையில் சீன ஸ்மார்ட்போன் நிறுவனமான விவோ 44,990 ரூபாய் மதிப்புள்ள அதன் விவோ நெக்ஸ் போனை 1,947 ரூபாய்க்கு விற்பனை செய்ய இருப்பதாகத் தெரிவித்துள்ளது.
விவோவின் இந்தச் சலுகையில் போனை shop.vivo.com/in என்ற இணையதளம் மூலம் 6-ம் தேதி நள்ளிரவு முதல் அதாவது ஆகஸ்ட் 7 முதல் 9ம் தேதி வரை புக் செய்யலாம்.
விவோ போன் விலை சலுகை மட்டும் இல்லாமல் டிஸ்கவுண்ட், கூப்பன் டீல் மற்றும் கேஷ்பேக் போன்ற சலுகைகளையும் அளிக்கிறது. மேலும் ஹெட்போன், யூஎஸ்பி போன்றவற்றை 72 ரூபாய்க்கு விவோ அறிவித்துள்ளது
விவோ நெக்ஸ் சிறப்பம்சங்கள்
விவோ நெக்ஸ் ஸ்மார்ட்போன் 6.59 இன்ச் முழு எச்டி பெசல் லஸ் டிஸ்ப்ளே, கைரேகை சென்சார், சக்தி வாய்ந்த ஹார்ட்வேர், ஸ்னாப்டிராகன் 845 பிராசசர் போன்றவை உள்ளன. மேலும் விவோ நெக்ஸில் 8ஜிபி ரேம், 128 ஜிபி உட்புற சேமிப்பு வசதி, 12+5 மெகாபிக்சஸ் டுயல் கேரா செட்அப் ரியர், ஃப்ரண்ட் கேமரா 8 மெகா பிக்சல்.
ஆண்டிராய்டு 8.1 ஓரியோ அடிப்படையிலான விவோ ஃபண்டச் ஓஎஸ் 4.0 கீழ் விவோ நெக்ஸ் இயங்கும். பேட்டரி 4000 mAh வசதியுடையது, டைப் சி சார்ஜிங் செயல்பாடுடையது.