கட்டுரைகள்
பிக் பாஸ் ஐஸ்வர்யாவிற்கு ரசிகர் மன்றம்.. தமிழகம் முழுக்க பரபரப்பு போஸ்டர்!
சென்னை: பிக் பாஸ் போட்டியில் சீசன் இரண்டில் கலந்து கொண்டு இருக்கும் நடிகை ஐஸ்வர்யாவிற்கு ஆதரவாக பல இடங்களில் போஸ்டர் ஒட்டப்பட்டுள்ளது.
தற்போது பிக் பாஸ் நிகழ்ச்சியின் சீசன் 2 விஜய் தொலைக்காட்சியில் ஒளிபரப்பாகி வருகிறது. இந்த நிலையில் இன்று இந்த போட்டியில் இருந்து ஐஸ்வர்யா வெளியேறுவார் என்று எதிர்பார்க்கப்படுகிறது.
அவர் கடந்த வாரம் மிகவும் மோசமாக நடந்து கொண்டார். சர்வாதிகாரியாக நடிக்க சொன்னதற்கு அப்படியே சர்வாதிகாரியாகவே மாறி இருந்தார்.
இந்த நிலையில் அவருக்கு ஆதரவாக பல இடங்களில் போஸ்டர் ஒட்டப்பட்டுள்ளது. ரகுவரன் என்ற நபர் ஆதரவாக போஸ்டர் ஒட்டியுள்ளார். தன்னுடைய பெயருக்கு பின், ஐஸ்வர்யா ரசிகர்மன்ற தலைவர் என்று குறிப்பிட்டுள்ளார்.
அதேபோல் பிக்பாஸ் போட்டியில் வாக்களித்து அவரை வெல்ல வைக்க வேண்டும் என்று கோரிக்கை விடுத்துள்ளார். இந்த போஸ்டர் வைரலாகி உள்ளது.