சினிமா செய்திகள்
கோமாளியின் அடுத்த டிரெண்டிங் டெலிடட் சீன்!
ஜெயம் ரவி நடிப்பில் சுதந்திர தினத்தன்று வெளியான கோமாளி திரைப்படம் தொடர்ந்து திரையரங்குகளில் வெற்றிகரமாக ஓடிக் கொண்டிருக்கிறது.
90ஸ் கிட்ஸ்களின் நாடி நரம்பை ஈர்க்கும் பல காட்சிகளை படத்தில் வைத்துள்ளதே இதற்கு காரணம்.
மேலும், ஜெயம் ரவி மற்றும் யோகிபாபுவின் நட்பு காட்சிகள் இந்த படத்தில் நல்ல காமெடி எண்டர்டெயின்மெண்ட் மற்றும் செண்டிமெண்ட் காட்சிகளாக ஒர்க்கவுட் ஆகியுள்ளன.
ஏற்கனவே வெளியான ஒரு டெலிடட் சீன் டிரெண்டிங்கில் முதலிடம் பிடித்த நிலையில், தற்போது, யோகிபாபு மற்றும் ஜெயம் ரவியை செக்ஷன் பிரிப்பது போன்ற காட்சியை படக்குழு வெளியிட்டு வைரலாகி வருகிறது.
பிரதீப் ரங்கநாதன் இயக்கத்தில் ஜெயம்ரவி, காஜல் அகர்வால், சம்யுக்தா ஹெக்டே, யோகி பாபு, பரிதாபங்கள் ஆனந்தி என பலரும் நடித்துள்ள கோமாளி திரைப்படம் ஜெயம் ரவிக்கு இந்த ஆண்டு கிடைத்த மாபெரும் வெற்றி படமாக அமைந்துள்ளது குறிப்பிடத்தக்கது.