சினிமா செய்திகள்
கோலிவுட் படமா? ஹாலிவுட் படமா? தெறிக்கவிடும் கடாரம் கொண்டான் டிரைலர்!
கமல்ஹாசன் தயாரிப்பில் ராஜேஷ் எம். செல்வா இயக்கத்தில் சியான் விக்ரம் நடித்துள்ள கடாரம் கொண்டான் படத்தின் டிரைலர் வெளியாகி யூடியூப் டிரெண்டிங்கில் முதலிடத்தில் உள்ளது.
இந்த மாதம் வெளியாகவுள்ள இந்த படத்தின் டிரைலர் காட்சிகள் ஹாலிவுட் பட ரேஞ்சுக்கு அதிர்கிறது. கமலின் மகள் அக்ஷரா ஹாசனின் ரொமான்ஸ் காட்சிகளோடு செல்லும் டிரைலரில் விக்ரம் அதிரடியாக வர, அதற்குப் பின் இறுதி வரை துப்பாக்கியின் வேட்டுச் சத்தம் மற்றும் ஸ்டண்ட் காட்சிகள் என பரபரப்பாக நகர்கிறது.
மலேசியாவை மையமாக கொண்டு எடுக்கப்பட்ட படம் என்பதால், மலேசியாவின் பழங்கால பெயரான கடாரம் என்பதை மையமாக வைத்து படத்திற்கு கடாரம் கொண்டான் என தலைப்பு வைக்கப்பட்டுள்ளது. படத்தில் கடாரம் கொண்டான் என்பதை குறிக்கும் வகையில் விக்ரமிற்கு கே கே என பெயர் சூட்டப்பட்டுள்ளது குறிப்பிடத்தக்கது.
