சினிமா செய்திகள்
அவெஞ்சர்ஸ் படத்தில் எந்திரன் கிளைமேக்ஸா? ரகசிய தகவலை வெளியிட்ட அவெஞ்சர்ஸ் பட இயக்குநர்!
![avenger (1) - Bhoomitoday](https://www.bhoomitoday.com/wp-content/uploads/2019/04/avenger-1.jpg)
அவெஞ்சர்ஸ் படத்தின் இரண்டாம் பாகமான அவெஞ்சர்ஸ்: ஏஜ் ஆஃப் அல்ட்ரான் படத்தின் கிளைமேக்ஸ் காட்சி, ரஜினியின் எந்திரன் படத்தைப் பார்த்து வடிவமைக்கப்பட்டதாக அவெஞ்சர்ஸ் பட இயக்குநர் ஜோ ரஸ்ஸோ கூறியுள்ளார்.
அவெஞ்சர்ஸ் எண்ட்கேம் படத்திற்காக உலகமே காத்துக் கொண்டிருக்கிறது. வரும் ஏப்ரல் 26-ம் தேதி அவெஞ்சர்ஸ் எண்ட்கேம் வெளியாகவுள்ள நிலையில், அதனை விளம்பரப்படுத்த அந்த படத்தின் இரு இயக்குநர்களில் ஒருவரான ஜோ ரஸ்ஸோ இந்தியா வந்துள்ளார்.
இந்தியாவிற்கு வருகை தந்துள்ள அவர், 2015-ம் ஆண்டு வெளியான அவெஞ்சர்ஸ்: ஏஜ் ஆஃப் அல்ட்ரான் படத்தின் இறுதிக் காட்சிக்காக ரஜினி நடித்த எந்திரன் படத்தின் கிளைமேக்ஸ் காட்சி தனக்கு உதவியது என்றும், ஆனால், எதிர்பாராதவிதமாக அந்தக் காட்சியை அந்த படத்தில் வைக்க முடியவில்லை என்று கூறியுள்ளார்.
2010-ம் ஆண்டு இயக்குநர் ஷங்கர் இயக்கத்தில், ரஜினி, ஐஸ்வர்யா ராய் நடிப்பில் வெளியான எந்திரன் படத்தின் கிளைமேக்ஸ் காட்சியில் ரோபோக்கள் ஒன்றோடு ஒன்றிணைந்து பிரம்மாண்ட ரோபோவாக உருமாறும் காட்சியைத் தான் அவெஞ்சர்ஸ் படத்திற்காக படம் பிடித்தார்கள் என்ற ரகசிய தகவலை இயக்குநர் ரஸ்ஸோ வெளியிட்டுள்ளார்.