சினிமா
தளபதியின் கோட் படத்தில் அஜித் காட்சி: வெங்கட் பிரபு சர்ப்ரைஸ்!
![ajithandvijay - Bhoomitoday](https://www.bhoomitoday.com/wp-content/uploads/2024/08/ajithandvijay.webp)
சென்னை: தளபதி விஜய் நடிப்பில் வெங்கட் பிரபு இயக்கத்தில் உருவாகியுள்ள “தி கோட்” படம் செப்டம்பர் 5ஆம் தேதி வெளியீடாக உள்ளது. ஏ.ஜி.எஸ். எண்டர்டைமெண்ட் நிறுவனம் பிரம்மாண்டமாக தயாரித்த இந்த படத்திற்கான வேலைகள் தற்போது இறுதிக்கட்டத்தில் நடந்து வருகின்றன. படத்தை பிரமாண்டமாக ப்ரோமோட் செய்வதற்காக, இயக்குநர் வெங்கட் பிரபு பல முக்கிய தகவல்களைப் பகிர்ந்து வருகிறார்.
விஜய் நடித்துள்ள “தி கோட்” படத்தில், அஜித் இடம் பெற்றுள்ளார் என்பது ரசிகர்களுக்கு பெரும் ஆச்சரியத்தை ஏற்படுத்தியுள்ளது. வெங்கட் பிரபு கூறியதின்படி, “மங்காத்தா” படத்தின் சில காட்சிகள் இந்த படத்திலும் இடம்பெறலாம். ஆனால், அஜித்தின் காட்சி படத்தில் எப்படி இருக்கும் என்பது குறித்து அவர் முழுமையாக விளக்கம் அளிக்கவில்லை.
இயக்குநர் வெங்கட் பிரபு, தனது பேட்டிகளில், “மங்காத்தா” படத்தை விட “தி கோட்” படம் 100 மடங்கு சிறப்பாக இருக்கும் என்று கூறியுள்ளார். மேலும், அஜித் வெங்கட் பிரபுவுக்கு “தி கோட்” படத்தின் ட்ரைலரைப் பார்த்து, “விஜய்க்கும், டீம்க்கும் வாழ்த்து சொல்லிடு” என்று வாழ்த்துக்களை தெரிவித்தார். இதுவே ரசிகர்களின் எதிர்பார்ப்புகளை மேலும் உயர்த்தியுள்ளது.
விஜய் 50வது வயதில் வெளியாகும் இந்த படத்தில், வெங்கட் பிரபு, தல 50 மற்றும் தளபதி 50 படங்களை இயக்கிய பெருமையை பெரும். அஜித் மற்றும் விஜய் இருவரும் நெருங்கிய நண்பர்கள் என்பதால், இருவரின் காட்சிகளும் ரசிகர்களுக்கு திருப்தியளிக்குமென எதிர்பார்க்கப்படுகிறது. இது வெங்கட் பிரபுவின் ரசிகர்களுக்கான மிகப்பெரும் பரிசாகும்.