ஆரோக்கியம்
வெறும் வயிற்றில் சுரைக்காய் ஜூஸ்: தொப்பையை கரைத்து உடல் பருமனை குறைக்கும் அற்புதம்!
உடல் பருமனை குறைத்து, தொப்பையை கரைக்க என்பது பலருக்கும் சவாலான பணியாகவே உள்ளது. குறிப்பாக, வயிற்றில் தேங்கும் கொழுப்பைக் குறைப்பதற்கான சரியான வழிமுறைகளை அறியாமல் பலரும் கடுமையான டயட்டுகளோ, பட்டினிக் கிடப்போ செய்து வருகின்றனர். ஆனால், உணவுகளை சரியாக தேர்ந்தெடுத்து சாப்பிடுவதால் கூடுதல் பயன் அடைய முடியும்.
சுரைக்காய், அதன் ஆரோக்கிய நன்மைகளால் பரவலாக அறியப்படுகிறது. சுரைக்காயில் அதிகப்படியான தண்ணீர் மற்றும் ஆன்டிஆக்ஸிடன்ட்கள் இருப்பதால், இது உடலில் இருந்து நச்சுகளை நீக்குவதோடு, உடல் பருமனையும் குறைக்க உதவுகிறது. சுரைக்காய் ஜூஸ், குறிப்பாக வெறும் வயிற்றில் குடிப்பதால், தொப்பையை கரைத்து, உடல் பருமனைக் குறைப்பதில் மிகப்பெரிய அளவில் உதவுகிறது.
சுரைக்காய் சாறு, தினசரி உணவில் சேர்த்தால், அதன் குறைந்த கலோரி மற்றும் உயர்ந்த நார்சத்து உள்ளடக்கம், உடலில் கொழுப்பு சேமிப்பதைத் தடுக்கிறது. மேலும், செரிமானத்தை மேம்படுத்தி, வளர்சிதை மாற்றத்தை (Metabolism) அதிகரிப்பதால், உடல் எடையை விரைவாக குறைக்க முடியும். இது, நமது உடலில் இருக்கும் கெட்ட கொலஸ்ட்ரால் அளவையும் கட்டுக்குள் வைத்துக் கொள்ள உதவுகிறது.
