சினிமா செய்திகள்
ஒருவழியாக வெளியான என்.ஜி.கே பட ரிலீஸ் தேதி அறிவிப்பு!
விஜய்யின் சர்கார் மற்றும் அஜித்தின் விஸ்வாசம் படங்களுடன் போட்டியாக கடந்த ஆண்டு தீபாவளிக்கு வெளியாகும் என அறிவிக்கப்பட்ட, சூர்யாவின் என்.ஜி.கே படம், விஜய்யின் சர்கார் வெளியான தீபாவளி பண்டிகைக்கும் வெளியாகவில்லை. அஜித்தின் விஸ்வாசம் படம் வெளியான பொங்கலுக்கும் வெளியாகவில்லை. தற்போது, தான் படத்தின் டப்பிங் பணிகள் நடைபெற்று வருகின்றன.
இந்நிலையில், சூர்யா ரசிகர்கள் நீண்ட நாட்களாக எதிர்பார்த்து காத்திருந்த அந்த அறிவிப்பை என்.ஜி.கே படக்குழு ஒருவழியாக ரிலீஸ் செய்து விட்டது.
வரும் மே மாதம் 31ம் தேதி செல்வராகவன் இயக்கத்தில் சூர்யா நடிப்பில் உருவாகியுள்ள என்.ஜி.கே படம் வெளியாகிறது என்ற அதிகாரப்பூர்வ தகவல் வெளியாகியுள்ளது.
இந்த படத்தில் சூர்யாவுக்கு ஜோடியாக ரகுல் ப்ரீத் சிங் மற்றும் சாய் பல்லவி நடித்துள்ளனர்.
அரசியல் படமாக உருவாகியுள்ள இந்த படம் செல்வராகவன் மற்றும் சூர்யாவின் ரசிகர்களுக்கு செம தீனியாக இருக்கும் என எதிர்பார்க்கப்படுகிறது.