வணிகம்
சென்னையிலிருந்து அயோத்திக்கு நேரடி விமானம்.. டிக்கெட் விலை எவ்வளவு தெரியுமா?
பிப்ரவரி 1-ம் தேதி முதல் சென்னையிலிருந்து அயோத்திக்கு, நேரடி விமானம் சேவை வழங்க இருப்பதாக ஸ்பைஸ் ஜெட் நிறுவனம் அறிவித்துள்ளது.
அயோத்தியாவில், 3 ஆண்டுகளுக்கு முன்பு பிரதமர் நரேந்திர மோடியால் அடிக்கல் நாட்டப்பட்டு, புதிதாகக் கட்டப்பட்டுள்ள ராமர் கோவில், வருகிற ஜனவரி 22-ம் தேதி பூஜை செய்யப்பட்டுத் திறக்கப்பட உள்ளது.
தொடர்ந்து ஜனவரி 23-ம் தேதி முதல் மார்ச் 10ம் தேதி வரையில் மண்டலப் பூஜைகளும் நடைபெற உள்ளன. இந்நிலையில் பிப்ரவரி 1-ம் தேதி முதல் சென்னையிலிருந்து அயோத்திக்கு நேரடி விமானச் சேவையை வழங்க உள்ளதாக ஸ்பைஸ் ஜெட் நிறுவனம் அறிவித்துள்ளது.
அயோத்திக்கு விமான டிக்கெட் கட்டணம் எவ்வளவு?
சென்னையிலிருந்து அயோத்தி செல்ல ஒருமுறை விமான கட்டணம் 6,499 ரூபாய் என விலை நிர்ணயம் செய்யப்பட்டுள்ளது.
பிற நகரங்கள்
சென்னை மட்டுமல்லாமல், பெங்களூரு, மும்பை உள்ளிட்ட பிற நகரங்களிலிருந்தும் அயோத்திக்கு விமானச் சேவையை வழங்க உள்ளதாகவும் ஸ்பைஸ் ஜெட் நிறுவனம் அறிவித்துள்ளது.
இண்டிகோ
அண்மையில், இண்டிகோ விமான நிறுவனம் மும்பை – அயோத்தியா விமானச் சேவையை ஜனவரி 15-ம் முதல் தொடங்கியது.
ஏர் இந்தியா
டாடாவின் ஏர் இந்தியா நிறுவனம் ஜனவரி 16-ம் தேதி முதல் டெல்லி – அயோத்தியா இடையில் விமானச் சேவையை அறிமுகம் செய்துள்ளது.
விலை குறைவாக விமான டிக்கெட் வாங்குவது எப்படி?
www.skyscanner.co.in இணையதளம் மூலமாக, விமான டிக்கெட்கள் எப்போது முதல் விலை குறைவாகக் கிடைக்கும் என்பதைத் தெரிந்துகொள்ளலாம்.