மாமன்னன் இசை வெளியீட்டு விழா.. கமல் முதல் எத்தனை பிரபலங்கள் வந்திருக்காங்க பாருங்க!

சென்னை: இயக்குநர் மாரி செல்வராஜ் இயக்கத்தில் உதயநிதி ஸ்டாலின் நடித்துள்ள மாமன்னன் படத்தின் இசை வெளியீட்டு விழா இன்று பிரம்மாண்டமாக நடைபெற்றது.

கமல்ஹாசன் மற்றும் ரஜினிகாந்த் சிறப்பு விருந்தினர்களாக வருவார்கள் என எதிர்பார்த்த நிலையில், ரஜினிகாந்த் இந்த இசை வெளியீட்டு விழாவுக்கும் நோ சொல்லி விட்டார்.

#image_title

இந்நிலையில், கமல்ஹாசன் தலைமையில் நடைபெற்று வரும் இந்த இசை வெளியீட்டு விழாவில் இயக்குநர்கள் பா. ரஞ்சித், வெற்றிமாறன், பிரதீப் ரங்கநாதன், எச். வினோத், எஸ். ஜே. சூர்யா உள்ளிட்ட பலர் பங்கேற்றுள்ளனர்.

நடிகர் சிவகார்த்திகேயன், சூரி, கவின், கீர்த்தி சுரேஷ், வடிவேலு, உதயநிதி ஸ்டாலின் உள்ளிட்ட நடிகர்களும் இந்த இசை வெளியீட்டு விழாவில் பங்கேற்ற நிலையில், ஏ.ஆர். ரஹ்மான் லைவ் இசை நிகழ்ச்சியையே நடத்தினார்.

#image_title

உதயநிதி ஸ்டாலினின் கடைசி படம் மாமன்னன் என அறிவிக்கப்பட்டுள்ள நிலையில், திரைத்துறையை சார்ந்த பலர் இந்த விழாவில் பங்கேற்றுள்ளனர்.

உதயநிதி ஸ்டாலின் பேசும் போது, நான், பகத் ஃபாசில், கீர்த்தி சுரேஷ் எல்லாம் இந்த படத்தில் இருந்தாலும், எங்களை எல்லாம் தூக்கி சாப்பிடும் கதாபாத்திரத்தில் வடிவேலு நடித்துள்ளார் என்று கூறினார்.

#image_title

அதே போல, வடிவேலு பேசும் போது, நான் என்னைக்கு கேப் விட்டேன், அதான் உங்க மொபைல் போன்ல மீமா வந்து விழுந்தேனே என கலகலப்பாக பேசி ரசிகர்களை உற்சாகப்படுத்தினார்.

#image_title

மாமன்னன் படத்தின் பாடல்கள் அனைத்தும் வெளியாகி உள்ளன. ஏ.ஆர். ரஹ்மான் இசையில் உருவாகி உள்ள ஒவ்வொரு பாடலும் உணர்ச்சி பொங்கும் விதமாக உருவாகி உள்ளது குறிப்பிடத்தக்கது.