பிரபாஸுக்கே அத்தனை கோடி சம்பளம் இல்லையே.. கமலுக்கு 150 கோடியா?

இயக்குநர் நாக் அஸ்வின் இயக்கத்தில் பிரபாஸ் நடித்து வரும் ப்ராஜெக்ட் கே படத்தில் வில்லனாக நடிக்க நடிகர் கமல்ஹாசனுக்கு 150 கோடி ரூபாய் சம்பளம் பேசப்பட்டு இருப்பதாக ஒரு உருட்டு சில நாட்களாக ஓடிக் கொண்டிருக்கிறது.

விஜய்யின் 200 கோடி சம்பளம் போல இதுவும் உண்மையாக இருக்கலாம் என சினிமா பிரபலங்கள் சிலர் ஊதி பெரிதாக்கி வருகின்றனர்.

#image_title

ஆனால், ப்ராஜெக்ட் படத்தின் பட்ஜெட்டே 400 கோடி தான் என்றும் நடிகர் பிரபாஸுக்கே 100 கோடிக்கும் குறைவாகத்தான் சம்பளம் இருக்கும் என தகவல்கள் வெளியாகி உள்ளன.

கமல்ஹாசனை வில்லனாக்கும் முயற்சியில் ராஜமெளலியை தொடர்ந்து நடிகையர் திலகம் படத்தை இயக்கிய நாக் அஸ்வினும் முயற்சித்து வருகிறார் என்பது உண்மையாக இருந்தாலும், அந்த படத்தில் கமல் நடிக்க இதுவரை சம்மதம் தெரிவிக்கவில்லை என்றும் அப்படியே சம்மதித்தாலும், 20 நாள் கால்ஷீட்டுக்கு 150 கோடி ரூபாய் சம்பளம் எல்லாம் உலக மகா உருட்டு என்றும் ஹாலிவுட் படத்தில் நடிக்கவே அத்தனை கோடி சம்பளம் கொடுக்க மாட்டார்கள் என டோலிவுட்டின் நெருங்கிய திரை வட்டாரங்கள் 150 கோடி சம்பளம் என்பது வெறும் வதந்தி தான் என மறுத்துள்ளன.

பிரபாஸுக்கு வில்லனாக நடிக்க முதலில் கமல் சம்மதம் தெரிவித்தால், அவர் மனசு மாறிவிடும் முன்னதாக அதிகாரப்பூர்வ அறிவிப்பை வைஜெயந்தி மூவிஸ் நிறுவனமே வெளியிட்டு விடும் என்கின்றனர்.

ப்ராஜெக்ட் கே படம் அடுத்த ஜனவரிக்கு வெளியாகப் போவதாக அதிகாரப்பூர்வ அறிவிப்பு வெளியாகி உள்ளது. அந்த படத்தில் பிரபாஸுக்கு ஜோடியாக தீபிகா படுகோன், திஷா பதானி நடிக்கின்றனர். முக்கிய வேடத்தில் அமிதாப் பச்சன் நடித்து வருகிறார்.